Sulmohen bizneset e gruas së zëvendësministrit, Antiterrori merr në dorë hetimet
Nga OraNews Përditësimi i fundit 23 Maj 2021, 08:29
Dy biznese, një palestër dhe një dyqan rrobash, në pronësi të gruas së zëvendësministrit të Mbrojtjes Civile dhe Menaxhimit të Krizave në Greqi, Nikos Hardalias, kanë rënë pre e një sulmi me lëndë ndezëse.
Siç raportojnë mediat greke, ngjarja u regjistrua pak pas orës 01:30 të së dielës, 23 maj, në zonën e Bajronit.
Shpërthimet dëmtuan dritaret dhe hyrjen e bizneseve ndërsa ndërhyri zjarrfikësja.
Policia shoqëroi 5 perosona të dyshuar nga zona e Bajronit afër vendit ku ndodhën sulmet dhe deri në orët e para të mëngjesit, persona të tjerë u ndaluan dhe kontrolluan.
Incidenti po hetohet gjithashtu nga Shërbimi Kundër Terrorizmit.
