Makinat bëhen shoshë në aksin Shkodër-Lezhë, një fëmijë mes katër anëtarëve të plagosur të familjes
Nga Elvis Hila Përditësimi i fundit 7 Maj 2021, 12:50
Katër anëtarë të një familje, mes tyre dhe një fëmijë mbetën të plagosur mesditën e sotme në një aksident rrugor në superstradën Shkodër-Lezhë.
Ngjarja ka ndodhur në kryqëzimin e fshatit Kakarriq, ku tre makina janë përplasur mes tyre.
"Janë përfshirë në aksident rrugor mjetet me drejtues shtetasit B.P., E.N.,dhe Z.C., ku për pasojë kanë marrë dëmtime dhe janë transportuar në spitalin Rajonal Lezhë, drejtuesi i mjetit shtetasi B.P.,dhe 3 pasagjerët në këtë mjet" njoftoi policia.
Pasagjerët e plagosur janë dy gra që janë transportuar në gjendje të rëndë drejt spitalit të Traumës në Tiranë dhe dhe një fëmijë.
Drejtuesit e dy mjeteve të tjera shtetasi E.N.,dhe shtetasja Z.B.,janë shoqëruar në Komisariatin e Policisë Lezhë, për veprime të mëtejshme.
Grupi hetimor në vendngjarje punon për sqarimin e plotë të shkakut dhe rrethanave të ngjarjes.
