E rëndë në Korçë! Vëzhguesi godet me karrige çiftin në qendrën e votimit
Nga OraNews Përditësimi i fundit 25 Prill 2021, 15:53
Një incident ka ndodhur në fshatin Vashtmi të Korçës, ku një burrë dhe grua janë goditur me karrige. Burime për Ora News, bëjnë me dije se ka qenë Gledis Adri vezhgues në qendrën e votimit që ka goditur çiftin me karrige.
Ndërkohë mësohet se Drini Qyllalli ka ndërhyrë t'i ndajë.
Ardian Avdolli dhe bashkëshortja e tij janë në Spitalin e Korçës. Mësohet se ata kanë marrë dëmtime në kokë por janë jashtë rrezikut. Ndërkohë që po marrin ndihmën mjekësore.
Sakaq çifti Agolli në një prononcim për Ora News, shprehet se shkak është bërë nëna e tij që nuk e kanë lënë të votojë në moment. Më tej ai thotë se ata që e kanë goditur janë djemtë e Kryeplakut të fshatit.
"Më goditën ata të qendrës së votimit. Donte të votonte nëna dhe nuk e lejuan në moment dhe e shtyn dhe e goditën. Janë djemtë e kryeplakut. Na goditën me karrige dhe me telefona. "
Ndërkohë në vendngjarje ka mbërritur policia, e cila është vënë në kërkim të autorit, i cili është larguar menjëherë sapo ka goditur çiftin.
Sakaq, Bitije Avdolli, nëna e Ardian Avdollit, ka thënë se i gjithë shkaku i ngjarjes ka qenë se ajo është futur së bashku me të shoqin në qendrën e votimit. Ajo thotë se partneri është futur që të ndihmojë atë të votojë
"Donte të hynte burri im të më ndihmonte, por nuk e lanë. Ata djemtë e Kryeplakut e goditën Ardianin. E goditën me karrige. Po jemi me Partinë Socialiste. Mua s'më kanë goditur isha brenda."
