Mali i Zi tkurr Tuzin dhe zgjeron Podgoricën, reagon Gjeloshaj: Veprim anti-shqiptar
Nga OraNews Përditësimi i fundit 23 Mars 2021, 20:18
Kryetari i Komunës së Tuzit, Nik Gjeloshaj akuzon qeverinë e Malit të Zi se po tkurr territorin e komunës që ai drejton, me shumicë shqiptare.
Në një reagim të tijin në Facebook, Gjeloshaj e quan këtë një veprim anti-shqiptar, ndërsa nuk kursen akuzat ndaj kryeministrit të vendit Zdravko Krivokapiç dhe zv.kryeministrit shqiptar Dritan Abazoviç.
"Një veprim i ketillë antishqiptar nuk do ta durojmë më , sepse nuk është vetëm kjo, por qeveria e Malit të Zi e ka bllokuar edhe pagesën e mjeteve për Komunën tonë, mjete këto të cilat na takojnë sipas ligjit", shprehet ndër të tjera Gjeloshaj.
REAGIMI I PLOTË:
Zdravko Krivokapiq dhe Dritan Abazoviq pas zgjedhjeve në krye të qeverisë së Malit te Zi, për hapat e parë që kanë ndermarrë ishte ndryshimi i kufirit administrativ i Komunës së Tuzit.
Gjatë punës së përditshme të sekretariateve tona kemi vërejtur ndryshimin e kufirit tone (Komuna e Tuzit) ne gjeoportal.
Kanë ndryshuar teritorin tonë ashtu që deponinë e kanë kaluar në teritorin e kryeqytetit Podgorica.
Kështu nuk ka punuar as PDS edhe pse kjo ishte e vetmja pikë kontestuese me ta.
Do ta kenë Malesine para qeverisë , se u kam dhënë një afat, tani urgjentisht duhet ta ktheni linjën administrative të Komunës sonë ashtu siç është miratuar në Kuvendin e Malit të Zi.
Një veprim i ketillë antishqiptar nuk do ta durojmë më , sepse nuk është vetëm kjo, por qeveria e Malit të Zi e ka bllokuar edhe pagesën e mjeteve për Komunën tonë, mjete këto të cilat na takojnë sipas ligjit.
Ftoj për herë të fundit bashkësinë ndërkobëtare e cila është e pranishme në Mal të Zi te reagojë ... Qytetarët e Malesisë do të kenë pergjigjje të ashpëra ndaj ketij provokimi te ri.
