Nga Neymar te Mbappe, ja pse Messi mund të përfundojë te PSG
Nga OraNews Përditësimi i fundit 15 Shkurt 2021, 15:32
Më pak se 48 orë nga sfida në Champions League mes Barcelonës dhe PSG, përballja pasurohet nga një duel i ri: lajmet për një transferim të mundshëm të Lionel Messit në Francë. Të paktën sipas asaj që pretendon se ka zbuluar e përditshmja transalpine "L'Equipe".
Gazeta e njohur sportive franceze nuk është zëri i parë autoritativ që ndërhyn në këtë temë: disa javë më parë ishte revista "France Football" që ndezi zjarrin e merkatos me kopertinën e saj ku shihej argjentinasi i veshur me fanellën e klubit francez.
Messi te PSG, por vetëm nëse …
"L'Equipe" nuk e mohon që do të ishte një operacion i komplikuar, duke pasur parasysh që as arka e PSG nuk po përjeton momente të qeta për shkak të efekteve të pandemisë, por gjithashtu pas problemeve të hasura me kontratën e të drejtave televizive.
Për këtë gjë mendohet një largim i Kylian Mbappe, por jo vetëm.
Pavarësisht nga vështirësitë, ajo që mund të bëhet blerja e shekullit, mund të konkretizohet para se "Pleshtit" ti përfundojë kontrata me Barcelonën (qershor 2021).
Nyja Mbappé
Lionel Messi e ka pohuar disa herë dëshirën për të lënë "Camp Nou". Për të mos harruar deklaratat e Leonardos, Di Maria, Neymar etj. Por kushti i vetëm për momentin, mbase më i rëndësishmi, do të ishte largimi i Mbappé, kontrata e të cilit pritet të skadojë në qershor 2022.
Vetëm "humbja" e francezit 22-vjeçar mund të mbulonte shpenzimet për të parë Leo Messin në hijen e Kullës Eiffel.
Të presim e të shohim...
/a.r,OraNews
