Përplas 60-vjeçari me biçikletë, shoqërohet në polici 22-vjeçari në Durrës
Nga OraNews Përditësimi i fundit 12 Shkurt 2021, 17:10
Aksident në aksin rrugor Xhafzotaj-Fllakë.
Një automjet tip "Mercedes Benz", i drejtuar nga një 22 vjeçar ka përplasur një 60-vjeçar që ishte duke lëvizur me një biçikletë.
Biçiklisti është dërguar në spital ku gjendet nën kujdesin e mjekëve, ndërsa drejtuesi i automjetit është shoqëruar në ambjentet e policisë.
Grupi hetimor ndodhet në vendngjarje dhe po punon për zbardhjen e rrethanave të ngjarjes.
Njoftimi i Policisë Durrës:
Informacion paraprak
Më datë 12.02.2021, në orën 16:30, në aksin rrugor Xhafzotaj-Fllakë, shtetasi D. K., 22 vjeç, duke drejtuar mjetin tip "Benz", ka aksidentuar biçiklistin, shtetasin F. B., rreth 60 vjeç, i cili ndodhet në spital nën kujdesin e mjekëve.
Drejtuesi i mjetit është shoqëruar në ambjentet e Policisë për veprime të mëtejshme.
