VIDEO/ Vetëm 4 minuta lojë, Balotelli rikthehet te goli pas 10 muajsh
Nga OraNews Përditësimi i fundit 30 Dhjetor 2020, 20:39
Mario Balotelli është rikthyer të luajë një ndeshje futbolli pas më tepër se 9 muajsh, pasi herën e fundit që zbriste në fushë, ka qenë më 9 mars të këtij viti, në përballjen mes Sampdorias e Brescias.
Sulmuesi Italian iu bashkua pak ditë më parë skuadrës së Monzës në Serinë B, duke marrë një “shans të fundit” nga dyshja Galliani-Berlusconi, të cilën kanë pronësinë dhe administrimin e klubit nga periferitë e Milanos.
Pas disa ditësh stërvitjeje dhe një diete rigoroze, Balotelli debutoi sot me fanellën e Monzës, teksa e nisi sfidën si titullar dhe i mjaftuan vetëm 4 minuta për të shënuar golin e parë, pasi ndëshkoi Salernitanën pas një krosimi të Carlos Augustos.
