Ndryshimet e fundit në qeveri, reagon ambasadorja e SHBA Yuri Kim
Nga OraNews Përditësimi i fundit 29 Dhjetor 2020, 12:57
Ambasadorja e SHBA në Shqipëri Yuri Kim ka reaguar menjëherë pas ndryshimeve në qeveri.
Pas dorëheqjes së Gent Cakajt nga detyra e ministrit të Jashtëm Kim e ka falënderuar për të gjitha angazhimet e tij, ndërkohë që ka thënë se marrëdhënia mes SHBA dhe Shqipërisë është e fortë falë liderëve si ai.
“Faleminderit Gent Cakaj për të gjitha përpjekjet tuaja për të forcuar marrëdhëniet mes Shqipërisë dhe SHBA, si aleatë të NATO-s. Miqësia midis dy vendeve tona vazhdon për shkak të drejtuesve si ju. Ju urojmë suksese në të gjitha angazhimet tuaja të ardhshme. Faleminderit”, shkruan Kim.
Kim ka përshëndetur dhe emërimin e Olta Xhaçkës në postin e ministres së Jashtme, duke u shprehur se Xhaçka ka qenë një partnere e jashtëzakonshme në forcimin e marrëdhenieve mes dy vendeve.
'Mirëpresim emërimin e Olta Xhaxkës si Ministre e Punëve të Jashtme Xhaçka ka qenë një partnere e jashtëzakonshme në forcimin e marrëdhenieve mes dy vendeve. Shpresojmë të punojmë në vijim për të foprcuar dhe më shumë marrëdheniet tona diplomatike'
Njëherazi Ambasadorja e SHBA përshëndeti emërimin e Niko Peleshit në postin e ministrit të Mbrojtjes.
'Ne mirëpresim emërimin e Niko Peleshit si Ministër i Mbrojtjes. Ne shpresojmë të punojmë së bashku për të siguruar që Flamuri i Shteteve të Bashkuara dhe Flamuri i Shqipërisë të mbetet më i forti i miqve, partnerëve dhe aleatëve të NATOS.' shkruan Kim
