Milan synon goditjen e madhe/ Sergio Ramos pa shpenzuar asnjë qindarkë
Nga OraNews Përditësimi i fundit 6 Nëntor 2020, 15:48
Milan tenton një goditje të madhe në merkaton e verës, pa shpenzuar asnjë qindarkë.
Siç raportojnë mediat ndërkombëtare, ekipi 7 herë kampion Europe ka hedhur sytë nga kapiteni dhe mbrojtësi i Real Madrid, Sergio Ramos, përcjell Ora News.
Paolo Maldini ka nisur bisedimet e para me yllin e "Los Blancos" për ta bindur të zgjedhë Milanin si destinacionin e ardhshëm në karrierën e tij.
Pas Ibrahimovic kuqezinjtë synojnë një tjetër lojtar me shumë eksperiencë këtë herë në repartin e prapavijës për t’i dhënë një tjetër shtysë edhe lojtarëve të rinj që janë në ekip.
Problem për Milanin mbetet paga e lartë që Ramos përfiton te Real Madrid, plot 17 milionë euro në sezon, por me një kontratë afatgjatë edhe ky ngërç mund të zgjidhet.
