Meta vlerëson bashkëshorten e Ambasadorit të Kuvajtit: Traditë, të nderojmë miqtë e huaj të vërtetë
Nga OraNews Përditësimi i fundit 1 Nëntor 2020, 13:43
Presidenti Ilir Meta vlerësoi sot me titullin "Për Merita të Veçanta Civile", zonjën Ebtisam Nasser Ibrahim Al-Houti, bashkëshorten e Ambasadorit të Kuvajtit në Shqipëri.
Presidenti shpreh mirënjohjen për përpjekjet e saj për të forcuar ndjenjat vëllazërore mes dy popujve tanë.
Meta: Është në traditën tonë të respektojmë dhe të nderojmë miqtë e huaj të vërtetë e të sinqertë, sidomos ata që e konsiderojnë me shumë dashuri Shqipërinë, si shtëpinë e tyre. Për kontributin e vyer intelektual, artistik dhe njerëzor në promovimin e vlerave dhe traditave më të mira shqiptare, pasurisë etnokulturore dhe turizmit, duke lartësuar bukurinë tona natyrore, aftësitë krijuese dhe sidomos mikpritjen shqiptare, pata kënaqësinë të vlerësoj me Titullin "Për Merita të Veçanta Civile", zonjën Ebtisam Nasser Ibrahim Al-Houti, bashkëshorten e Ambasadorit të Kuvajtit në Shqipëri.Mirënjohje përpjekjeve të saj për të forcuar ndjenjat vëllazërore mes dy popujve tanë.
