Me 12 klandestinë në makinë nga Korça drejt Elbasanit, arrestohet vlonjati
Nga OraNews Përditësimi i fundit 1 Nëntor 2020, 13:01
Policia e Elbasanit ka arrestuar një 33-vjeçar, pasi u kap në flagrancë duke transportuar 12 shtetas të huaj nga vendet e treta.
Uniformat blu bëjnë me dije se ata ishin nisur nga Korça.
"Pas informacioneve të marra në rrugë operative se një shtetas po transportonte nga Korça disa shtetas nga vendet e treta, me qëllim dhënien ndihmë për kalim të paligjshëm të kufirit, kundrejt fitimit 100€ për person, kapën dhe arrestuan shtetasin E.Ç., 33 vjeç, banues në Vlorë".
Arrestim i tij u bë pasi në aksin rrugor Librazhd-Elbasan u kap nga shërbimet e Policisë duke transportuar me mjetin e tij 12 shtetas të huaj.
Materialet hetimore i kaluan Prokurorisë pranë Gjykatës së Shkallës Parë Elbasan, për veprë penale "Ndihma për kalim të paligjshëm të kufirit".
