Parku Kombëtar i Thethit, atraksion turistik edhe gjatë periudhës së pandemisë

Nga OraNews Përditësimi i fundit 23 Gusht 2020, 14:58

Nëse ke zgjedhur të vizitosh Thethin, nuk ka rëndësi se kur ke zgjedhur ta bësh këtë, thjesht ke vendosur të vizitosh një nga vendet magjike për bukurinë e tij. Edhe ky atraksion turistik nuk i shpëtoi dot efekteve negative të pandemisë që e kishte një efekt pozitiv, shqiptarët vetë u njohën dhe e vizituan këtë atraksion turistik. Midis shqiptarëve vizitorë edhe pse me kokrra kanë qënë edhe të huaj.

Pavarësisht stinës që e viziton, ai mbetet i magjishëm. Parku Kombëtar i Thethit, mrekullia e Alpeve Shqiptare, ashtu si të gjitha zonat e tjera turistike nuk i shpëtoi efekteve që dha pandemia Covid, por risi e këtij viti u bë vizitueshmëria më e lartë nga shqiptarët. I pozicionuar vetëm 70 kilometra larg Shkodrës, ai i ka të gjitha, ajrin e pastër e kurativ, relievin e përthyer në të cilin shijon ujëvarat, shtigjet eksploruese, vaskat, shpellat, kisha historike, kullat e banimit dhe shumëllojshmerinë e bimëve e kafshëve.

Thethin e vizitojnë për herë të parë edhe shumë shqiptare megjithëse kishin dëgjuar për të herët, por mundësia që të vinin ju dha vetëm tani.

''Është hera e parë dhe na ka lënë mbresa shumë të mira. Është shumë bukur.''

Fatmir Berishta, pronari i një prej bujtinave të Thethit pranon veshtirësinë e muajve të parë, por fund korriku dhe gushti e rigjalleruan zonën. Ai shton se oferta turistike ne rritje do t'i nxisë teë shtojnë cilesinë e shërbimeve e jo vetëm.

FatmirBerishta, pronar bujtine: ''Patjetër që e kemi ndjerë. Për këtë sezon na ra njëbum anulimesh, tani kanë vazhduar nga pak të vijnë rezervimet por nuk krahasohetme periudhat më parë,''

Edhe përfaqesuesit e administratës se zonave të mbrojtura ndërsa shohin zhvillimin e zonës si fakt pozitiv, i tremben edhe efekteve që mund të ketë kjo gjë.

Agim Dardha, Drejtor i ADZM: ''Në Theth ka mjaft problematika, duke ditur rritjen e numrit të turistëve, do kemi edhe rritjen e ndotjes së ambientit.''

Shtegume Valbonën e ka bërë Thethin të jetë edhe me interesant për aventurieret enatyrës.

Age Martini, shefe e monitorimit: ''Ne kemi më shumë se 4 vjet që bëjmë një monitorim të nurmit të turistave. Më e vizituara mbetet kalimi i shtegut Theth-Valbonë.''

Prej 1966 Thethi eshte shpallur Park Kombetar dhe bukuritë natyrore që ka e kanë bërë të jete një prej destinacioneve më të preferuara te veriut. Megjithatë, ai ka ende nevojë për dorën e shtetit, ku me emergjencë mbetet zgjidhja e problemit me energjinë elektrike dhe çertifikatat e pronesisë.