Zbardhen përgjimet: Kokaina drejt Italisë është tjetër, jo ngarkesa e kapur nga policia

Nga OraNews Përditësimi i fundit 24 Korrik 2020, 10:41

"Në portin Gioia Tauro kapin 500 kg .. kuptove. Por ato që kapin nuk është ajo duhet të mbërrijë në Gioia Taura. Kapet ajo që është në tranzit në Gioia Tauro. E ajo që është në tranzit zbulohet.... në Gioia Tauro (i referohet drogës) droga nuk mbërrij në port por hidhet ne det .."

Këto janë pjesë nga përgjimet e publikuara nga media italiane të cilat zbulojnë detaje dhe të mënyrës sesi ngarkesa të mëdha të kokainës trafikoheshin nga Amerika e Jugut drejt Italisë.

Sot janë arrestuar 6 persona në kuadër të një operacioni u ndërmor njëkohësisht në Shqipëri, Itali, Argjentinë e Costa Rica dhe operacioni u kodua "Magma 2020" dhe eshte vijimi i operacionit "Magma 2007".

Në Tiranë u arrestua Bujar Sejdinaj me qëllim ekstradimin drejt Italisë. Ai njihej me nofken "Xhaxhai" përfaqësuesi i Ndrangheta-s në Shqipëri dhe në zonën e Ballkanit dhe në veçanti përfaqësuesi i familjes mafioze “Bellocco”.

Po ashtu janë arrestuar shtetasit shqiptar Asllan Hysa, Erand Malo dhe Liridon Gjana.

Magma 2007 - Operacioni i koduar "Magma 2007" mbylli hetimet më 29 nëntor 2019 me urdhër arrestimin e 45 personave dhe sekeustrimin e 400 kg kokainë, 30 kg hashash, 15 kg marijuanë, 3 pistoleta gjysëm automatike, sileanciator e municione të ndryshme.

Operacioni zbardhi aktivitetin kriminal të klanit të mafias  kalabreze Belloco ku bënte pjesë dhe shqiètari Bujar Sejdinaj i njohur me nofkën xhaxhai , i lindur më 20/03/1959 e përgjegjës i mafias kalabreze për zonën ballkanike.

Aktiviteti investigativ zbardhi se ky klan trafikonte ngaAmerika e Jugut e veçanërisht nga Argjentina e Kili, sasi të ëmdha droge qëimportoheshin përmes mjeteve detare në Itali. Droga fshihej në konteinerë qëudhëtonin me anijet e mëdha.

Në Buenos Aires, ky klan mafioz bashkëpunonte me të "jakat e bardha" (njerëz me kollare e xhaketë, pra zyrtarë),  të cilët lehtësonin punën për trafikun e sasive të mëdha të kokainës.

Në përgjimet e autoriteteve të antimafias zbardhet se sasia e kokainës e importuar nga Amerika e Jugut, hidhje në det para se të mbërrinte në port, duke evituar kështu kapjen nga autoritetet e portit Më pas ngarkesa tërhiqej nga ky klan mafioz.