PD: "Escobari i Ballkanit" i lidhur me Tahirin dhe drejtues të lartë të policisë
Nga OraNews Përditësimi i fundit 11 Maj 2016, 15:39
Sikundër kishte paralajmëruar një ditë më parë kryedemokrati Lulzim Basha, Partia Demokratike publikoi sot fakte të cilat sipas saj implikojnë Ministrin e Brendshëm Saimir Tahiri dhe funksionarë të emëruar prej tij, në kultivimin dhe trafikun ndërkombëtarë të drogës.PD iu referua Drejtorit të Transportit në Sarandë, Klement Balili, të cilin autoritetet greke dhe shërbimet e partnerëve ndërkombëtarë, e kanë cilësuar si një ndër kokat e një organizate kriminale të narkotrafikut.Klemend Balili është konsideruar nga mediat greke si baroni i drogës apo "Escobari i Ballkanit".PD thotë se “nga informacionet e brendshme të oficerëve me integritet në Policinë e Shtetit, partnerëve ndërkombëtarë, dhe strukturave të hetimit të specializuara në Shqipëri, që kanë hetuar shtetasin Klemend Balilaj,rezultojnë lidhje të tij të forta nëpërmjet ministrit të Brendshëm Saimir Tahiri me drejtues të lart të Policisë së Shtetit”.PD paralajmëroi publikimin e fakteve të tjera tronditëse ditën e nesërme, të lidhjeve të ministrit të Brendshëm Saimir Tahiri dhe funksionarëve të lartë të Policisë së Shtetit me trafikun ndërkombëtar të drogës.[caption id="attachment_744122" align="alignnone" width="628"]
Klement Balili[/caption][caption id="attachment_744123" align="alignnone" width="411"]
Klement Balili[/caption][caption id="attachment_744124" align="alignnone" width="411"]
Klement Balili[/caption]Denoncimi i plotëSot vijojmë publikimin e fakteve tronditëse për rolin e Saimir Tahirit dhe funksionarëve të emëruar prej tij, në kultivimin dhe trafikun ndërkombëtarë të drogës.Rasti më i fundit është Drejtori i Transportit në Sarandë, Klemend Balili të cilin autoritetet greke dhe shërbimet e partnerëve ndërkombëtarë, e kanë cilësuar si një ndër kokat e një organizate kriminale të narkotrafikut.Klemend Balili është konsideruar nga mediat greke si baroni i drogës apo "Escobari i Ballkanit".Opozita e ka denoncuar që në vitin 2014 dhe konkretisht më 18 maj, kohë kur Edi Rama e emëroi drejtor të Transportit , si të lidhur me trafikun ndërkombëtar të drogës. Klemend Balili është arrestuar në korrikun e vitit 2006 me 750 kilogramë kanabis. Aksion i suksesshëm i policisë në atë kohë pasi i arrestuari dyshohej se drejtonte një klan kriminal në Sarandë e përreth.Klemend Balilaj njihet për lidhjet e tij të forta politike dhe ka qenë sponsorizues i fushatës elektorale të PS në vitin 2013. Si lidhje të tij të drejtpërdrejta rezultojnë kushërinjtë e ministrit të Brendshëm, vëllezërit Habilaj, me të cilët ka bashkëpunuar për trafikim të lëndëve narkotike në vitet 2014-2016. Nëpërmjet vëllezërve Habilaj, Klemend Balilaj ka vendosur kontakt të drejtpërdrejt me ministrin e Brendshëm Saimir Tahiri. Nga informacionet e brendshme të oficerëve me integritet në Policinë e Shtetit, partnerëve ndërkombëtarë, dhe strukturave të hetimit të specializuara në Shqipëri, që kanë hetuar shtetasin Klemend Balilaj,rezultojnë lidhje të tij të forta nëpërmjet ministrit të Brendshëm Saimir Tahiri me drejtues të lart të Policisë së Shtetit si më poshtë:Ish-drejtori i Forcave së Posaçme Operacionale Albert PataDrejtorin e Policisë së Durrësit Perlat ÇullhajDrejtorin e Policisë Vlorë Jaert ÇelajDrejtorin e Policisë Gjirokastër Aranit ArapiIsh-drejtorin e Kufirit në Vlorë Kastriot Skënderi, i cili në vitin 2015 në zonën e Kakomesë u kap me një kamion me 1 ton lëndë narkotike e llojit kanabis sativa.Nesër do të njiheni me të tjerë fakte tronditës të lidhjeve të ministrit të Brendshëm Saimir Tahiri dhe funksionarëve të lartë të Policisë së Shtetit me trafikun ndërkombëtarë të drogës.
