Shqiptari dënohet me burg përjetë, vrau shokun për 30 mijë franga

Nga OraNews Përditësimi i fundit 19 Prill 2016, 20:06

Një shqiptar u dënua me burgim të përjetshëm nga drejtësia zvicerane, pasi akuzohet për vrasjen e shokut të tij në vitin 2009 për një borxh prej 30 mijë frangash zvicerane.Gjyqtari i çështjes e cilësoi vrasjen si një “ekzekutim të vërtetë”.Shoku i tij kishte marrë të dashurën me vete, ndërsa kishte hipur në makinën e 39 vjeçarit nga Kosova, teksa ky i fundit e qëlloi me pistoletë për ta hedhur viktimën më pas në një përrua. 39 vjeçari është dënuar edhe në Itali me 22 vite burg për një vrasje tjetër.I akuzuari ka mohuar në vijimësi akuzat e ngritura. Vendimi u mor nga gjykata e Rrethit Affoltemer pjesë e kantonit të Zuriut (Zurich).“Nuk kishte asnjë provë”, argumentoi shqiptari në një deklaratë personale, duke kërkuar lirimin e menjëhershëm. “Ky është një skandal i madh”, tha i dënuari  përpara Prokurorit. “Zvicra nuk është Koreja e Veriut”.Akuza e Prokurorisë është ngritur mbi deklarimet e të dashurës së viktimës, e cila në momentin e krimit ishte në pjesën e pasme të automjetit.Dënimi nuk është përfundimtar pasi mund të dërgohet në Gjykatën e Lartë të  Zuriut.  39vjeçari mbetet në paraburgim deri në një njoftim të mëtejshëm.Për shkak të rrezikut të arratisjes, gjyqtari zgjati paraburgimin nga gjashtë muaj deri në mesin e tetorit./Ora News/