Kjo është anija luftarake më e shtrenjtë në botë
Nga OraNews Përditësimi i fundit 8 Prill 2016, 13:38
Kjo është luftanija më e shtrenjtë e ndërtuar ndonjëherë. Për ndërtimin e saj janë dashur plot 12.9 miliardë dollarë. Aeroplanmbajtësja pritet të bashkohet me flotën e marinës amerikane në shtator të këtij viti, thotë një zyrtar i Marinës.Aeroplanmbajtësja e quajtur USS Gerald R. Ford (CVN 78) është e gjatë rreth 1100 këmbë, dhe e gatshme të mbajë deri në 100 mijë ton.Anija do të lundrojë në det gjatë muajit korrik dhe dy muaj më vonë do t’i bashkohet marinës. Anija mban emrin e Presidentit të 38-të të ShBA-ve, i cili shërbeu në bordin e “USS Monterey” gjatë Luftës së Dytë Botërore.Një tjetër transportues i tillë i klasit Ford është në ndërtim dhe do të mbajë emrin e USS John F. Kennedy, ndërsa është planifikuar të nisë udhëtimet në vitin 2020. Deri në muajin mars, është ndërtuar 18% e anijes në fjalë. Ndërkohë që transportuesi i tretë “Ford- Class” do të nisë të ndërtohet në vitin 2018.Senati amerikan ka miratuar fondet për Marinën në 5 vitet e ardhshme, fond i cili kalon shifrën prej 81.3 miliardë dollarë, ku janë parashikuar të ndërtohen 38 anije lufte. Në këtë plan janë parashikuar të ndërtohen edhe 9 nëndetëse “Virginia-Class”, si dhe anije të tjera më të vogla. Qëllimi i ushtrisë amerikane është që duke nisur nga viti 1921, Marina të ketë gjithsej 308 anije.
/Ora News/
