Mbajti peng për 4 orë dy të rinj, pretendonte se i kishin dëmtuar ullishten
Nga OraNews Përditësimi i fundit 14 Mars 2016, 09:52
Një 44-vjeçar është arrestuar nga policia e Elbasanit pasi ka mbajtur peng për 4 ore dy të rinj.Policia sqaron se Ali Bardhi banues në fshatin Godolesh të Elbasanit ka mabjtur peng dy të rinjtë pasi pretendone se i kishin hyrë në ullishte. Dy të rinjtë u lanë të lirë pasi i dhanë 44-vjeçarit 5 mijë lekë.“Ky shtetas, u ndalua nga efektivat e policisë, pasi dyshohet të ketë mbajtur rreth katër orë shtetasit A.Ç, 21 vjeç dhe shtetasin E.H, 16 vjeç, të dy banues në fshatin Godolesh Elbasan, me pretendimin se pasi janë futur në Ullishten në pronësi të tij, ia kanë dëmtuar.Më pas dy shtetasit A.Ç dhe E.H, janë lënë të lirë nga shtetasi Ali Bardhi, pasi është paguar me një sasi prej 5000 lekë (të reja) nga familjarët e dy shtetasve.”Materialet i kaluan Prokurorisë së Rrethit Gjyqësor Elbasan për veprime të mëtejshme për veprën penale “Heqja e Paligjshme e lirisë” dhe “Vetëgjyqësia” parashikuar nga nenet 110/a dhe 277 të Kodit Penal.
