PD:Rama mbron Kokëdhimën nga drejtësia, Kushtetuesja të zbardhë vendimin
Nga OraNews Përditësimi i fundit 25 Janar 2016, 12:58
Vonesa në zbardhjen e vendimit nga Gjykata Kushtetuese për mandatin e deputetit socialist Koço Kokëdhima, ka nxitur palën paditëse që ka kërkuar heqjen e mandatit të tij, Partinë Demorkatike, të akuzojë Gjykatën Kushtetuese se merr urdhra nga kryeministri Edi Rama, për ti mbrojtur mandatin deputetit socialist. Demokratët akuzojnë deputetin Kokëdhima se ka shkelur Kushtetutën, duke përfituar fonde publike me kompanitë e tij.Partia Demokratike akuzon Gjykatën Kushtetuese se me ndërhyrjen e kryeministrit, Edi Rama, po vonon zbardhjen e vendimit për mandatin e Koço Kokëdhimës.Demokratët kanë kërkuar nga Gjykata Kushtetuese ndërprejen e mandatit të deputetit socialist, pasi sipas tyre ai është kapur në shkelje me Kushtetutën dhe ka përfituar fonde publike me kompanitë e tij.Halimi:"Parlamenti me urdhër të Edi Ramës doli në mbrojtje të milionave të Kokëdhimës, në mbrojtje të 150 transfertave financiare që ai kishte përfituar në shkelje të Kushtetutës. Gjykata Kushtetuese e shpalli këtë qëndrim të parlamentit, si në kundershtim flagrant me Kushtetuten, duke i kërkuar dërgimin para drejtesise së deputetit që ka përfituar fonde publike, sipas kërkesës së grupit parlamentar të Partisë Demokratike.Mirëpo nën presionin e Edi Ramës, vendimi ende nuk është zbardhur dhe nuk është bërë efektiv".Sipas deputetit, Eduard Halimi, vendimi për rastin Kokëdhima i hap rrugën edhe mbarimit të dy mandateve të tjera, që janë kapur në shkelje të Kushtetutës.Halimi: "Si zonja Leskaj e Rakip Suli, pasi familjarët e tyre kanë përfituar miliona nga fondet publike".Partia Demorkatike, tha se fshehja që zoti.Rama po u bën deputetëve nga drejtësia është tregues i mënyrës sesi po qeveriset, ku sa më shumë abuzime të bësh, aq më i preferuar je për Kryeministrin.Deklarata e plotëGjykata Kushtetuese vonon zbardhjen e vendimit për mandatin e Koço Kokëdhimës, i kapur me 150 shkelje të ligjit themelor, duke përfituar fonde publike me biznesin e tij.Jam sot këtu, për ti kerkuar Gjykatës Kushtetuese të zbardhë e të bëjë efektiv sa më parë vendimin për rastin e deputetit Koço Kokedhima. Edhe pse kërkesa e Partisë Demokratike për mbarimin e mandatit të Kokëdhimës është bërë në verën e vitit të kaluar, Gjykata e ka marrë në shqyrtim në nëntor të 2015, por ende nuk ka zbardhur vendimin që e shpalli si anti-kushtetues fshehjen ndaj drejtesisë që Rama bëri për deputetin Koço Kokëdhima.Parlamenti me urdhër të Edi Ramës doli në mbrojtje të milionave të Kokëdhimës, në mbrojtje të 150 transfertave financiare që ai kishte përfituar në shkelje të Kushtetutës.Gjykata Kushtetuese e shpalli këtë qëndrim të parlamentit, si në kundershtim flagrant me Kushtetuten, duke i kërkuar dërgimin para drejtesise së deputetit që ka përfituar fonde publike, sipas kërkesës së grupit parlamentar të Partisë Demokratike.Mirëpo nën presionin e Edi Ramës, vendimi ende nuk është zbardhur dhe nuk është bërë efektiv.Duke treguar mirëkuptim për ngarkesën dhe axhendën e Gjykatës Kushtetuese, i kërkojmë të zbardhë sa më shpejt vendimin, pasi çështja ka të bëjë me korrupsionin shtetëror, kapjen e shtetit si nje fenomen në rritje, ndaj është e një rëndësie të madhe publike.Rasti Kokëdhima i hap rrugën edhe mbarimit të dy mandateve të tjera, që janë kapur në shkelje të Kushtetues, si zonja Leskaj e Rakip Suli, pasi familjarët e tyre kanë përfituar miliona nga fondet publike.Fshehja që po u bën Edi Rama deputeteve ndaj drejtesise, tregon menyrën se si po qeveris: sa më shumë shkelje e abuzime, aq më shumë i mban njerëzit e tij, dhe ia fsheh drejtësisë.Shembulli i Ilir Beqës e dëshmon qartë këtë. Gjykata Kushtetuese i hoqi mandatin e deputetit për perfitim fondesh publike, por Edi Rama e bëri ministër duke i besuar koncesionet qindra milion euroshe.Dhe sot, Beqja ka përfituar nga firma e tij, për të cilën humbi mandatin e parë, mbi 31 tendera dhe mbi 12 milionë dollare.Ky është modeli sesi qeveris Edi Rama, milionat dhe mbrojtje nga drejtesia për miqtë, dhe burgun për të pamundurit.Ndaj, sot më shumë se kurrë kemi nevojë për drejtësi, profesionale, eficente, të pakorruptuar por dhe të pavarur e të pakapur nga Kryeministri.Një drejtësi që lufton korrupsionin e bëhet garante e zbatimit të ligjit, edhe kur akuzohen miqte e kryeministrit.
