Mustafa: Akoma ka struktura paralele në veri

Nga OraNews Përditësimi i fundit 2 Janar 2016, 18:01

Viti 2015-të do të mbahet në mend gjatë për Lidhjen Demokratike të Kosovës. Për herë të parë në historinë e saj, LDK kaloi një vit të plotë në Qeveri me kryeministër, kryetarin e partisë së saj. Një vit jo i lehtë si për nga aspekti politikë, ashtu dhe ai ekonomik.Kryeministri i Kosovës, Isa Mustafa vitin 2015-ë e quan si mjaftë sfidues, dhe vit të vendimeve të mëdha.Fërkimet e mëdha mes koalicionit qeverisës dhe opozitës së bashkuar nuk e kanë lënë të bëjë qetësisht punën e tij, thotë Mustafa, por ai beson se zgjidhja do të arrihet në këtë vit ngase ndryshe nuk mund të shtyhet, zgjedhje të reja nuk do të mund të ketë. Ai tha për KosovaPress se viti i ri do ta bëjë Kosovën me president të ri.KosovaPress: Ka kaluar tashmë një vit nga qeverisja juaj. Si po ndiheni ju personalisht?Isa Mustafa: Ka qenë një vit mjaft sfidues, një vit në të cilin kemi marr disa vendime të cilat kanë qenë mjaft të ndjeshme dhe mjaftë të mëdha, në interes për të ardhmen e Kosovës. Ka qenë po ashtu një vit në të cilin ne kemi bërë reforma, sidomos në fushën e ekonomisë për të cilën ne presim që efektet më të mëdha t’i kemi në vitet në vijim.Një vit në të cilin ne e kemi testuar edhe koalicionin qeverisës, për të cilin mendoj se ka dhënë rezultate shumë të mëdha, është treguar një unitet i ekipit i cili ka punuar në fusha të ndryshme mirë,ka punuar me një bashkërenditje të mirë, në përgjithësi dhe unë e konsideroj se gjithë ne duhet të ndihemi mirë sa i përket punës, por natyrisht nuk ndihemi mirë sa i përket rrethinës politike të cilën e kemi përjetuar gjatë këtij viti.KosovaPress: Z. Kryeministër, të ndalemi pak tek fillim qeverisja juaj, një janar i ftoftë dhe i dhembshur ishte ai i 2015-ës për Kosovën, ikja e shumë qytetarëve, kryesisht të rinj, nga vendi, e rikthej Kosovën si lajm në mediat ndërkombëtare me një imazh aspak të pëlqyer. Sa ka qenë i vështirë menaxhimi i atyre momenteve?Mustafa: Ne kemi qenë të befasuar të them të drejtën me fluksin shumë të madh të njerëzve tanë që migruan në atë kohë nga Kosova, nuk ndodhi vetëm në janar, shkurt por ishte edhe një vazhdimësi e vjeshtës së kaluar por që mori hovë shuam të madh në muajin janar dhe në muajin shkurt. Ishin pamje shumë të rënda, që ne të shohim autobus duke shkuar me bartjen e qytetarëve tanë përmes Serbisë, sepse Serbia hapi korridorin e migrimit dhe shpërnguljes së tyre. Por për fat të mirë arritëm që edhe në marrëveshje me vendet e Bashkimit Evropian, sidomos me Gjermaninë, Austrinë pastaj me Hungarinë , pastaj edhe vendet e tjera, Zvicrën, Francën të menaxhojmë këtë situatë, arritëm të ndalim shpërnguljen, arritëm të ndalim shpërnguljen, arritëm po ashtu të kthejmë sivjet rreth 20 mijë njerëz të cilët u shpërngulen gjatë kësaj periudhe. Edhe po ashtu përmes veprimit të policisë tonë, dhe policive të vendeve anëtare të Bashkimit Evropian arritëm që të hapet procedura ndaj një rrjeti kriminelësh, të cilët kishin ndërmjetësuar dhe kishin organizuar këtë eksod popullatës sidomos nga Kosova. Do të thotë duhet të përgjigjen para ligjit, por unë mendoj se Policia edhe tani po punon që të identifikoj çdo formë të ndërmjetësimit të migrimit të qytetarëve nga vendi ynë.KosovaPress: Disa nga reformat që sollët në vitin e parë të qeverisjes suaj nuk dhanë rezultate të pritshme pozitive, kujtojmë pakon e re fiskale, çmimet e energjisë elektrike që nuk patën zbritjen, ndërkohë pati edhe biznese të cilat u mbyllën, dhe investitorë që ishin paralajmëruar por nuk shkelën kurrë në Kosovë. Në aspektin e përditshmërisë ekonomike, dhe jo vetëm, të qytetarëve të këtij vendi, të cilët pritjet nga një ekonomist në qeverisje i kishin më të mëdha, a ju duket se janë zbehur, dhe kërkesat po shkojnë në rritje?Mustafa: Unë mendoj se ne kemi bërë një punë mjaftë të rëndësishme, mos të themi punë të madhe sepse madhësia e punës nuk ka kufi. Por mendoj që kemi arritur që të vëmë reformë, dhe të fillojmë t’i vëmë jetë këto reforma, nga 1 shtatori i këtij viti që kryesisht janë zhvilluar në sektorin fiskal, pastaj kemi aprovuar Ligjin për faljen e borxheve, i cili po ashtu është një Ligj i cili i ka dy efekte. Do të thotëe ka efektin social të popullatës, sepse i liron edhe nga kompleksi i borxheve që i kanë pasur në të kaluarën, pro edhe nga obligimi dhe ballafaqimi me Ligj për përmbushjen e këtyre borxheve. Ju kemi ndihmuar kompanive publike sepse janë pastruar llogaritë e tyre dhe kërkesat ndaj qytetarëve dhe kemi krijuar një stimuns për të gjithë ata që marrin masa për pagesën e krye gjësë apo krye borxhit që të lirohen pastaj nga ndëshkimet me norma të interesit për periudhën për të cilën nuk kanë paguar nga të themi 1 janari i viti 2009 e këndej, dhe unë mendoj se këto janë rezultate mjaft të mira.Te përshkallëzimi i TVSH-s është një masë e cila ka qenë edhe masë sociale, por natyrisht edhe masë e nxitjes së bizneseve sepse produktet bazike janë liruar nga 16 në 8 përqind, është shtuar një përqindje tek produktet e tjera të cilat nuk e ngarkojnë shumë shportën e konsumatorit, të atyre që kanë të ardhura më të vogla, sepse atyre që kanë të ardhura më të mëdhasigurisht kanë pretendime dhe kanë orientim gjithmonë të konsumojnë më shumë nga mallrat luksoze, dhe mallrat e tjera të cilat kanë TVSH-në më të lartë. Ajo që është veçmas në interes është se kemi liruar importimin e makinerisë, teknologjisë informatike, materialit riprodikues që nuk prodhohet në vendin tonë nga TVSH-ja dhe nga doganat dhe kemi ndikuar që të bie kostoja e investimeve për të gjithë ata që dëshirojnë të investojnë në Kosovë. Kemi aprovuar Ligjin për kreditimin, vërtetë për subvencionimin e normave të interesit dhe për garantimin e kredive sepse ky është hap shumë i madh. Këtu kemi pas përkrahjen e agjensionit Amerikan për Zhvillim ndërkombëtar USAID, SIDA suedeze edhe do të kemi përkrahjen e fondacioneve tjera. Dhe do të punojmë tani edhe në shtylla tjera të fondit për zhvillim, kemi ndarë shumë subvencione dhe grante për bujqësi gjë që kemi krijuar mundësi që gati të gjitha tokat në Kosovë të mblidhen, tani mbetët vetëm të punojmë më shuam tek sistemi i ujitjes, në mënyrë që të kemi më shumë kultura të cilat i korrim gjatë vitit, sesa vetëm një kulturë. Dhe ajo që e kemi bërë shumë, sidomos tani që po e përmbyllim vitin,m është se e kemi përmbyllur marrëveshjen për ndërtimin e Termocentralit Kosova e Re, është një investim prej 1 miliard euro , investimi më i madh që kurdo ka ndodh në Kosovë. Dhe janë marrë masa po ashtu prolongimi e afatit të përmbushjes të detyrimeve për projektin turistik në Brezovicë, deri me 31 maj të viti të ardhshëm, i cili po ashtu siguron një hapësirë mjaftë të nevojshme kohore në mënyrë që gjithë investitorët të sigurojnë mjete dhe ai projekt të fillojë të realizohet në vitin e ardhshëm. Kemi arritur që të krijojmë marrëdhënie shumë të forta të mirëbesimit me Fondin Monetar Ndërkombëtar dhe një përkrahje tepër të madhe të FMN-së gjë që pastaj ka përforcuar besimin e Bankës Evropiane për Zhvillim dhe rindërtim, Bankës Evropiane për investime, Bankës Botërore dhe në pikëpamje të shfrytëzimit të burimeve të financimit nga jashtë jemi në situatën më të mirë që ka qenë Kosova ndonjëherë dhe jemi në një situatë shumë të mirë të konsolidimit të stabiliteti buxhetor dhe stabiliteti makro-ekonomik. Natyrisht se qytetarët mund të kenë pritje më të mëdha, mund të kenë edhe vërejtje, mirëpo për një vit është punuar shumë, edhe kjo është një bazament i shkëlqyeshëm që ne pastaj vitin e ardhshëm ta kemi më të lehtë sepse në vitin e ardhshëm ne vetëm kemi me implemntuar këtë që e kemi sjellë në këtë vit edhe natyrisht në vitin e ardhshëm ne do të startojmë me zbatimin e Ligjit për Investime strategjike që ne e kemi proceduar në Kuvend. Është një Ligj tepër i rëndësishëm i cili i mundëson Qeverisë që Qeveria të negociojë në mënyrë të drejtpërdrejtë në ardhjen e investimeve për projektet të cilat ne sipas Ligjit do t’i konsiderojmë si projekte strategjike.KosovaPress: Ndërkohë, z. kryeministër ju nuk e përmendet Trepçën. A e ka Trepça vëmendjen tuaj?Mustafa: Trepça gjithsesi që e ka vëmendjen jo vetëm timen, ka vëmendjen edhe të Kuvendit, edhe të AKP-së. Ne kemi organizuar dy, tri takime për Trepçën, me udhëheqësin e Trepçës, me Agjencion Kosovar të Privatizimit, me specialist të ndryshëm, kemi ftuar edhe specialistë që t;’i konsultojmë se cila është mënyra më e mirë e organizimit të Trepçës, tani edhe i kemi grumbulluar të gjitha materialet këtu në Qeveri, gjitha studimet, strategjitë, dhe gjithë dokumentacionin që viteve të fundit është bërë për Trepçën në mënyrë që ta kem atë për punën e grupeve. Ne tani mendojmë që në fillim të vitit të ardhshëm, sepse e kemi tani bordin e AKP-së të kompletuar, të fillojmë me bordin edhe të punojmë në strategjinë, ndërkaq Qeveria do të punojë në përgatitjen e Ligjit. Mendojmë që të zhvillojmë edhe debate, edhe tryeza shkencore lidhur me atë se çfarë edhe shkencëtarët, dijetarët, profesionistët e ndryshëm, qoftë nga ekonomia, nga drejtësia, pastaj ata që merren me sektorin e minierave, mineraleve të mendojmë për organizimin e kësaj, të kemi edhe mendimet nga ekspertët e jashtëm, dhe unë ju siguroj që ne nuk kemi ndejë kemi punuar, por kemi punuar pa dal shumë në opinion sepse nuk kemi pas ndonjë vendim për të cilin mund të themi në opinion se deri më tani kemi arritur në këtë konkludim por gjithsesi ne me kohë do të përmbyllim këtë proces edhe të strategjisë, kemi menduar të bëjmë edhe studime të rastit, të ndryshme nga vendet të ndryshme të cilat do t’i përdorim pastaj edhe si modele, edhe për Trepçën se cila do të jetë mënyrë më e mirë e organizimit të Trepçës dhe do ta kemi strategjinë e Trepçës në mënyrë që pastaj edhe për investitorë të jashtëm të kemi çfarë atyre t’ju ofrojmë, varësisht se si ne do të përcaktohem, çfarë statusi në të ardhmen do të ketë Trepça.KosovaPress: Z. kryeministër mbetemi tek çështjet ekonomike. Norma e rritjes ekonomike për vitin e ri është paraparë të jetë diku 3.8 përqind, sa premton kjo për vende të reja të punës dhe zhvillim ekonomik të Kosovës në përgjithësi?Mustafa: Kjo nuk premton shumë, nuk premton as rritjen të cilën ne mendojmë se do ta përmbyllim sivjet me 3. 2 përqind. Tash disa të dhëna paraprake të cilat ne i kemi deri më tani, por që do t;i konsolidojmë deri në fillim të vitit të ardhshëm, flasin që ne kemi pas mbi 16 mijë njerëz të cilët janë punësuar gjatë këtij viti në forma të ndryshme por neve na nevojitet të kemi një rritje ekonomike e cila së paku do të përballonte fluksin e atyre që hynë në tregun e punës, do të thotë që diku të jetë 22 deri 25 mijë vetë që hynë në tregun e punës, dhe pastaj ne ta menaxhojmë këtë pjesën e papunësisë momentale të cilën e kemi edhe këtë duhet ta bëjmë së bashku me institutin e statistikave edhe Ministrinë e Mirëqenies Sociale, në mënyrë që të vërtetojmë saktësisht se sa njerëz i kemi tani të paraqitur si të papunë sepse një numër i tyre heziton të paraqitet. Ndërkaq neve tani në bazë të rifreskimit të listave në zyrën e punësimit i kemi paraqitur rreth 120 mijë do të thotë nuk i kemi 300 mijë për sa flitet në opinion. Do të thotë janë 120 mijë të cilët zyrtarisht janë paraqitur si të papunë. Ne nuk themi se janë 120 mijë, ose janë më shumë se ky numër por ne dëshirojmë ta vërtetojmë sa është numri real i atyre që janë të papunë, dhe sa pretendojnë të konkurrojnë në tregun e punës. Por më duhet ta intensifikojmë tani, ndërtimi i Termocentralit do të krijojë vende të punës, do të krijoj edhe procesin e ndërtimit sepse parashihet se prej 7mijë deri në 10 mijë njerëz do të gjejnë punë gjatë ekzekutimit të këtyre investimeve prej 1 miliard eurove, pastaj qendra turistike parashihet që në fundtë punësoj diku mes 3 edhe 4 mijë njerëz. Kemi tani programe të punësimit jashtë, si punësimit qarkor, ose punësimit të përkohshëm të cilat flasin se ne mundemi në vitin e ardhshëm diku prej 5 deri 7 mijë t’i kemi të tillë që shkojnë punojnë tre muaj të kthehen, pastaj zëvendësohen me të tjerët sepse nuk guxojmë assesi që të krijojmë kushte që të ritë tanë të shkojnë dhe të mbesin jashtë, por atyre të jua mundësojmë që të shkojnë punojnë dhe të kthehen. Në bujqësi duhet po ashtu të spastrojmë në shkallën e punësimit, dhe të papunësisë sepse tek ne, ne po japim grante dhe subvencione rreth 50 milionë në vit, ndërkaq nuk mund të themi se po japim grante dhe subvencione por askush nuk zyrtarisht i punësuar në bujqësi edhe atë çështje duhet pastaj ta pastrojmë. Dhe unë jam i bindur që me masat të cilat ne po i marrim mundemi me i rrit edhe shkallën e rritjes vjetore të ekonomisë, përkatësisht GDP mbi 3.8. Ajo që do të ishte optimale për ne do të ishte që të ishte 6 apo 6.5 përqind sepse ajo pastaj do të krijonte mundësi që të jetë normë e punësimit vjetor 4.5 ose 5 e cila shumëzohet me numrin e këtyre që janë të punësuar tani, jep të themi të dhëna matematikore se mund të përballohet fluksi i të papunëve që hynë në tregun e punës.KosovaPress: Të ndalemi pak tek çështja e CEFTA-s e cila ka bërë shumë zhurmë të themi sidomos tek bizneset në vend. Ata vazhdojnë ta trajtojnë Kosovën si UNMIK, bile nga konferenca që kemi parë edhe fotografitë nga paraqitja e tyre, del se ata ende nuk e kanë vënë flamurin e Kosovës si anëtarë të saj. Qeveria me siguri e përcjellë këtë proces, pse Kosova nuk po trajtohet njëjtë si shtetet tjera anëtare të CEFTA-s?Mustafa: Unë mendoj se nuk ka asnjë të drejtë që askush të na trajtojë ndryshe. Ajo çka ne e kemi pranuar, a kemi bërë mirë apo keq është çështje tjetër, por e kemi pranuar fusnotën në marrëdhënie regjionale. Dhekrejt ajo çfarë mund të krijohet prej neve është që ne ta kemi atë fusnotë e cila e ka atje një të themi determinim të caktuar tonin. Nuk ka pasur nevojë kurrë të jetë sepse jemi vend i pranuar prej mbi 110 shteteve, por unë mendoj që marrëdhëniet me CEFTA-n ne duhet të i pastrojmë këtu edhe me Bashkimin Evropian, nuk duhet të pranojmë në asnjë moment që të marrin pjesë pa përfaqësimin tonë sikurse gjitha vendet e tjera të cilat marrin pjesë në këto tubime. Tani neve na u kanë hapur edhe një mundësi tjetër mundësia përmes MSA-së që është një mundësi tepër e madhe, pjesëmarrjes asimetrike po them të ekonomisë tonë në tregun e Bashkimit Evropian. Kjo asimetri shihet në atë se ne nuk kemi kurrfarë kufizimesh që të marrim pjesë në atë treg, ndërkaq firmat e jashtme i kanë disa kufizime do të thotë aty ku ne duhet ta heqim doganën për 10 vitet e ardhshme sepse do të ketë ngarkesa, ndërkaq ne nuk do të kemi ngarkesa, prandaj për CEFTA-n ne do të punojmë tani edhe me Ministrinë e Industrisë dhe Tregtisë në mënyrë që gjitha vërejtjet tona t’i japim dhe të sigurojmë që pjesëmarrja jonë do të jetë e barbarët me të gjithë të tjerët.KosovaPress: Z. kryeministër kanë kaluar një vit, siç e thamë edhe në hyrje të kësaj interviste, nga qeverisja juaj, një udhëheqje e cila në qeverisja ka edhe emra nga kabineti i kaluar, ju vetë keni qenë njëri nga kritikët e qeverisjes së kaluar. Sa po ndryshon qeverisja Mustafa, nga qeverisja e kaluar dhe çfarë të mira po i sjell Kosovës?Mustafa: Këtu gjithë ne të themi duhet të marrim përgjegjësinë edhe të jemi mjaftë të saktë dhe objektiv ndaj opinionin edhe për atë që e kemi thënë në të kaluarën. Sepse gjithë ne kemi dashur që të bëjmë ndryshime, vërtetë unë si lider i LDK-së kam pas dëshirë që të fitoj LDK-ja por të fitojë deri në atë mas që ne mund të themelojmë edhe vetë Qeverinë, ose të afrohemi shumë me numra që të kemi pastaj nevojë vetëm për një parti të vogël me të cilën do të bënim koalicion, mirëpo ne përfundimisht duhet të ballafaqohemi me realitetin, realiteti është që asnjë nga subjektet politike nuk ka marr mbi 30 përqind të votave dhe këto subjekte politike kanë qenë të detyruara të bashkëpunojnë njëra me tjetrën në mënyrë që të bëhet Qeveria. Tash ne jemi munduar ta bëjmë ndryshe, në gjysmën e dytë të vitit të kaluar nuk kemi arritur, ne e kemi bërë në këtë formë mirëpo unë mund të ju siguroj marrëveshja jonë me PDK-në është një marrëveshje që është mjaft parimore, është një marrëveshje që në Qeveri të kemi nisma për të cilët kemi qenë të sigurt të dy palët se nuk janë të përfshirë në raste të krimit të organizuar të korrupsionit nuk ka vërejtje për ta në të kaluarën të themi sa i përket zbatimit të ligjit, dhe sa i përket anës profesionale të tyre janë sjellë shumë mirë gjatë kësaj periudhe, janë munduar cdo njëri ta kryejnë punëne vetë, kanë bashkëpunuar mjaftë mirë dhe ky është një garancion që ne mund t’i qojmë punët përpara. Nuk mund të kem tash komplekse ndaj njerëzve që kanë qenë më parë apo nuk kanë qenë në Qeveri, është me rëndësi që ata qeveritarët e kaluar të mos kenë shkelje të ligjit e cila pastaj e kontestonte të themi edhe personalitetin e tyre edhe dinjitetin e tyre për t’i bërë punët për të cilat ata tani janë të angazhuar.KosovaPress: Meqë përmendet koalicionin me partinë me të cilin udhëhiqni në pushtet, plani juaj tashmë ka treguar dhe ju vetë keni thënë publikisht se si president i ardhshëm i vendit do të votohet Hashim Thaçi. Ndërkohë ka zëra që tregojnë se po flitet për një rinegocim të marrëveshjes mes LDK-së dhe PDK-së, para se të vij koha e zgjedhjes së presidentit. A ka shenja që kjo mund të ndodh në këtë vit të ri?Mustafa:Mund të ju them se asnjë rinegocim të ri nuk kemi pas, dhe as nuk kemi. Tani më ne e kemi të nënshkruar marrëveshjen,duhet ë sillemi në mënyrë gjentelmene dhe me përgjegjësi të plotë ndaj asaj marrëveshje. Dhe unë e kam siguruar edhe zotin Thaçi, edhe opinionin që ne do të përmbushim detyrimet tona si partner i koalicionit. Tani ju keni dëgjuar se ka disa gjëra në të vërtetë janë shumë pak zëra , dy, tre zëra në LDK që thonë do të thotë edhe kur kemi probleme tjera ata thonë nuk merrem me ato probleme, por thonë nuk do ta votojmë Thaçin për President, ne do të i diskutojmë ato çështje edhe në Grup Parlamentar tonin edhe në LDK, do të jemi gjithë përgjegjës që t’i përmbushim sepse pastaj një obligim partiak që e merr një subjekt politik nuk është çështje, por pastaj është çështje e vullnetit individual të njerëzve a bëhet a po nuk bëhet. Sepse nganjëherë vullneti individual del edhe jashtë përcaktimeve politike dhe vullnetit të përgjithshëm dhe ne në të gjitha rastet në demokraci duhet të respektojmë opinionin e shumicës dhe përcaktimin e shumicës. Unë jam i bindur që kjo do të kryhet që zoti Thaçi do të zgjidhet president, që ne do të vazhdojmë me këtë koalicion deri në vitin 2018. Kemi shumë punë për të bërë, kemi disa përgjegjësi që kemi marrë që janë shumë të mëdha, për t’i përmbushur gjatë kësaj periudhe kohore, do të mundohemi që bashkimi, fuzionomi ynë të jetë kryesisht në çështjet e programit qeveritar për të cilën jemi zotuar dy palët se do ta realizojmë pastaj çështjet tjera mbesin çështje partiake, çështje të vullnetit politik.KosovaPress: Kur jemi tek çështjet e partive të themi se ka pasur mjaftë tensione gjatë këtij viti mes pozitës dhe opozitës... Më intereson të dijë a do duhej të kishte më tepër kolegjialitet dhe a keni ofruar më shumë se sa nga ajo çfarë keni thënë publikisht, pra a keni provuar të afroheni më tepër me tri partitë që po e përbëjnë tashmë opozitën e bashkuar?  Mustafa: Mund të them kështu haptas se kjo çfarë po ndodh në sjelljen e opozitës dhe pozitës, dhe të themi në skenën politike tonën, pak po habit të gjithëve. Sepse nuk jemi mësuar të shohim një skenë të tillë politike dhe një diskomunikim kësisoj. Ne kemi qenë një periudhë katër vjeçare, kamë qenë shef i opozitës me LDK, por unë kam komunikuar pa asnjë kompleks me zotin Thaçi dhe me PartinëDemokratike dhe me subjektet tjera të cilat kanë qenë në pushtet për çështje që ne bashkërisht i kemi konsideruar çështje madhore për vendin dhe për të cilat ne pastaj nuk mund të bëjmë luftë politike mes vete. Ne tani jemi ballafaquar me disa vendime të rëndapër të cilat askush nuk kishte me pas dëshirë që ta sheh vetën në ato vendime, por janë vendime të cilat ne nuk mund t’i qojmë përpara dhe ta zgjidhim problemin e Kosovës përmjet diskomunikimit, sepse askush nesër nuk mundet me thënë që unë nuk kam dashur të flas me kryeministrin apo zëvendës kryeministrin, ose me kryetarin e LDK-s apo të PDK-s edhe kanë mbetur këto probleme sepse unë ndryshe i kisha zgjedhur. Problemet nuk mund të zgjidhen në çoftë se ne nuk komunikojmë. Unë ju kam ofruar partive opozitare që të ulemi bashkërisht në një tryezë, kur ulesh në tryezë normalisht fillon biseda, fillon debati, gjendjen mënyra, në çoftë se nuk bëhet me të parën, me të dytën pastaj me të tretën edhe gjinj shohim se ku jemi dhe çfarë po bëjmë. Janë këto vendime për asociacionin të cilat unë konsideroj se i kemi marr në harmoni me kushtetutën dhe me Ligjet edhe që i kemi detyruar vetën që parimet themelore të asociacionit janë parime të bazuar në Ligjet e Kosovës, dhe çdo gjë që shihet nesër që nuk mund të jenë nuk vlen sepse atë e thotë Gjykata Kushtetuese, por edhe në çoftë se edhe ekspertë të tjerë e thonë do të kujdesemi që asgjë nga ajo të mos shkoj, nuk është themeluar asociacioni, nuk është hartuar statusi, nuk ka filluar asgjë të ndodh, janë vetëm letra, dokumente të cilat flasin për përgatitjet për të cilën ne mund të zhvillojmë një debat të gjerë, mund ta kyçim edhe opozitën gjatë kohës së hartimit të statusit sepse ai është me rëndësi themelore sepse me atë status do të përcaktohen detyra, këto parime themelore flasin vetëm për objektivat çfarë qëllime ka me arrit asociacioni. Është demarkacioni e cila është një fushë e cila nuk mund të bëhet me kërkesa përjashtuese, me ultimatume. Askush nuk mund të thotë ju anulojeni këtë sepse ne e dimë se ku është kufiri, unë për vete nuk e di ku është kufiri, unë detyrohem t’ju besoj ekspertëve që kanë punuar atë, mirëpo unë detyrohem të ju besoj gjithë ekspertëve që ata të ulen t’i ballafaqojnë argumentet e tyre, në çoftë se ndonjë gabim e ka bërë komisioni shtetërorë pse të mos ta korrigjojmë ne atë gabim, çfarë interesi është i kryeministrit të vendit, i qeverisë së vendit që një pëllëmbë tokë me ja dhënë Malit të Zi. Ne jemi deklaruar qartë edhe kurrë nuk do t’ia japim asnjë pëllëmbë. Mirëpo duhet ta vërtetojmë, ju e dini ka dal tani departamenti i shtetit me një deklaratë, ata kanë kërkuar që ne t’ia përcjellim dhe i kemi përcjellë versionin elektronik të hartës i cili është punuartani nga komision shtetëror mbi kufijtë. Janë ulur e kanë analizuar në departamentin e shtetit me ekspertë sepse politikanët nuk i bëjnë ato punë, edhe ekspertët të cilët i kanë hartat e NATO-s, hartat e Kosovës është për të gjitha periudhat, sepse mos pastë askush dokumente, Amerika i ka të gjitha dhe kanë konstatuar që ajo është në atë vijë, prapë në çoftë se thonë që nuk është atëherë prapë jemi në gjendje, jo të mos i besojmë Amerikës sepse nuk i besojmë askujt tjetër ma shumë se sa Shteteve të Bashkuara, sepse nuk mund të sillemi të themi ju jeni të mirë përderisa sa ju vini e na çlironi, i bombardoni forcat ushtarake të Serbisë dhe i ktheni një milionë qytetarë tanë të cilët janë shpërngulë nga Kosova, na ktheni në vend popullatën e depërtuar por kur duhet me zgjedh problemin me fqinj tash ju këqyrni punët e juaja sepse ne dimë me i zgjidhë këto vetë, sepse me pas qenë e gjendje me i zgjidh vetë i kemi zgjedhë me kohë të gjitha problemet. Kështu që edhe ekspertët tonë nuk duhet të lëvdohen tepër me thënë ne dimë më shumë se Departamenti i Shtetit, ata mund t’i ofrojnë disa argumente, askush nuk ia mohon atë të drejtë mirëpo gjithë ne duhet të jemi të përgjegjshëm. Edhe si Qeveri duhet të jemi e përgjegjshme në këtë aspekt dhe do të jemi në gjendje të ulemi me të gjithë të bisedojmë, po ashtu jemi shumë të qartë të përcaktuar që asnjë ultimatum, asnjë kusht nuk mundemi sepse ultimatumet tona vlen vetëm për ne,ultimatumet tona nuk vlejnë për Malin e Zi edhe nuk do të vlejnë NATO-n sepse NATO nesër do të jetë në Mal të Zi edhe pasnesër NATO do të jetë në Kosovë, dhe NATO nuk do të luftoj kundër NATO-s, prandaj ne nuk duhemi t’i frikohemi kësaj se malazezët po na rrinë ma lartë , ne më poshtë dhe ata na rrezikojnë pikëpamje strategjike. Edhe unë kisha pas dëshirë që kufirin me pas ma andej edhe malazezë ndoshta më këndej, por do të jetë kufiri aty ku ka qenë, ai territor i cili është administruar nga Kosova. Në çoftë se ne ulemi dhe e diskutojmë me opozitën, e diskutojmë në mënyrë njerëzore, pa pas interes që ne përmes kësaj të krijojmë efekte politike, apo masë politike e cila neve na përkrah tani sepse ja bëjmë qefin njerëzve, tash ata njerëz atje, qytetarët tanë në atë pjesë i kanë kullotë bagëtitë në ato fusha por e kanë paguar tatimin në Rozhajë. Në qoftë se atëherë kanë paguar tatim në Rozhajë, do të thotë që Rozhaja ka administruar në ato hapësira, por prapë ne po themi në rregull edhe këtë po e harrojmë, ejani uluni edhe punojmë bashkë, dhe i caktojmë kështu që në këtë aspekt këtu nuk ka asnjë arsye me u hedh gaz nësallë të Kuvendit, as me u hedh sprejë, as me u organizua dhe me u prodhua mjetet të hekurta për me shemb edhe me rrëzuar automjete, as me mbajt nëpër zyre të partive politike plumba, benzinë, molotovë, maska, këto nuk janë ato që erregullojnë pjesën e demarkacionit dhe asociacionit. Ato mund të zgjidhen përmes një debati, debati më së miri është më e u zhvillu në Kuvend. Ne tash që kemi hënë është herët apo vonë të ulemi është çështje tjetër, mirëpo kurrë vonë nuk bëhet qëproblemi të zgjidhet, vonë do të bëhet nëse ne do të futemi në një situatë në të cilën dikush bien që është pastaj pa rrugë dalje. Ky vend rrugëdalje ka sepse gjithë ata që na kanë ndihmuar, gjithë ata që kanë luftuar për Kosovën, për çlirimin ata nuk e lënë që ky vend që me ra pre e papërgjegjësive të dikujt politike, dhe dikujt që dëshiron të shkatërroj këtë vend.KosovaPress: Z. Kryeministër, gati i gjithë viti ka shkuar në tensione të mëdha mes pozitës dhe opozitës parlamentare në vend, shumë më keq edhe përfundoj. A do të duhej të kishim një kolegjialitet dhe bashkëpunim më të madh mes dy taborreve politike? Konkretisht, pse ndodhi gjithë ky fërkim, a ka një histori ndryshe nga ajo që opinioni e njeh?Mustafa: Por tani ne e kemi një marrëveshje, marrëveshjen e para të vitit 2013 që ka miratuar Kuvendi, e kemi po ashtuLigjin për ratifikimin e kësaj marrëveshje që është aprovuar me 84 vota në QERSHOR TË VITI 2013, është marrëveshja për demarkacionin e cila ka mbetur e hapur sepse është nënshkruar nga Qeveria e Kosovës dhe nga kryetari i Malit të ZI por ajo pa u ratifku në Kuvend nuk është e plotfuqishme. Dhe ne kemi thënë të ulemi të i diskutojmë gjitha këto të themi mirë qe s’po dërgojmë marrëveshje në Kuvend për demarkacion, por po diskutojmë, në çoftë se e gjejmë që është bërë ndonjë gabim atëherë po e korrigjojmë, po ftojmë palën malazeze të ulemi ta diskutojmë, të bëjmë këto korrigjime sepse ata kanë thënë se pajtohemi në çdo lëshim të mundshëm që vërtetohet që ka ndodh ne pajtohemi që atë ta diskutojmë, ndërkaq për asociacionin themi mundësia është që ne të ulemitë themi se a është ajo marrëveshje për asociacionin në harmoni me marrëveshjen e parë edhe me Ligjin për ratifikimin e kësaj marrëveshje që nënkupton që a është në harmoni me kushtetutën apo jo. Askush nuk mundet ta detyroj kryeministrin edhe thotë tërhiqe nënshkrimin prej një marrëveshje sepse kjo do të thotë mos puno me implementu Ligjin për ratifikimin e marrëveshjes ndërkombëtare. Në çoftë se ka forcë që Kuvendi të mblidhet nesër, këtë po e them në mënyrë hipotetike edhe të vendos me 80 vota , dhe të thotë se unë e revokoj Ligjin për ratifikim e marrëveshjes së parë, atëherë me të bie edhe kjo marrëveshje, do të thotë, ajo punë është në vullnetin e shumicës së Kuvendit. Përderisa sa ekziston një Ligj, është detyrë e institucioneve të Kosovës me zbatua atë Ligj, e tash ne duhet të përgjigjemi dhe unë atë përgjegjësi e pranoj në çoftë se ne gabojmë në procedurën e zbatimit të Ligjit sepse edhe ligjin duhet me zbatua në harmoni me kushtetutën dhe me ligjet e tjera, do të thotë tjetër ne nuk mundemi me gjet ndonjë hapësirë dhe të themi eja tash të merremivesh ndryshe nga ajo që Kuvendi ka përcaktuar si detyrim tonë,. Tani vërejtje mundet me pas, të themi në dialog, në mënyrën e organizimit të dialogut, edhe unë kam bërë vërejtje kur kam qenë në opozitë, sa janë transparente, si t’i harmonizojmë çështjet akoma pa shkuar në Bruksel, si të marrim opinionin e përgjithshëm, tash unë jam munduar që opinionet të i marr nga ekspertët e ndryshëm edhe kam pas mjaft shuam takime edhe pa shkuar në Bruksel edhe në Bruksel gjatë qëndrimit atje, mirëpo kurrë nuk janë të mjaftueshme konsultat, dhe informimi edhe i deputetëve edhe të pozitës edhe të opozitës dhe kjo do të jetë sigurisht edhe një shenjë që ne të ardhmen duhet të kemi kontakte më të shpeshta, duhet t’i këmbejmë edhe mendimet dhe të shohim se si me menaxhua procesin e dialogut në Bruksel.KosovaPress: A keni dyshime se pas këtyre dy çështjeve mund të ketë edhe kërkesa tjera të opozitës?Mustafa: Tash nuk mund të paragjykoj mbi atë e të themi se ata kanë kërkuar që në çoftë se këto nuk anulohen të shkohet me referendum, apo të shkohet në zgjedhje të reja, tani as referendumi as zgjedhjet për mua nuk janë zgjidhje, mirëpo nuk jam ai i cili vendos për atë. Sepse për referendumin duhet të vendos Kuvendi, duhet të sjellë ligj për referendumin, në çoftë se Kuvendi e voton me shumicën e votave, unë në asnjë rast nuk do të dal si kryeministër të them e keni keq, ose e keni mirë, disa çështje nuk mund të vendosen me referendum, sepse me referendum nukvendoset kufiri, për arsye se del edhe Mali i Zi dhe bënë referendum, ai na cakton kufirin neve në Klinë, ne e caktojmë kufirin andej Rozhaje, dhe është problem që nuk merremi vesh kurrë. Ose asociacionin nuk mund të bëhet me referendum. Mund të thuash me referendum se nuk po bisedoj por në çoftë se thua se nuk zhvilloj dialog atëherë problemi është se çka do të vendosësh në referendum, si me zgjedh problemin e veriut të vendit, si me menaxhua me Veriun, në pjesën mbi Ibër, çfarë të bëjmë me gjysmën e Trepçës që ka mbet andej, çfarë të bëjmë me Ujmanin që ka mbet në atë pjesë, çfarë të bëjmë me katër komunat që kanë mbet andej, si me i integrua ato, mandej kush do të qeverisë në atë pjesë në çoftë se në mënyrë përjashtuese vendosim, kështu që nëse vendosim me marrë një vendim duhet me i pa gjitha pasojat e atij vendimi. Kjo çështja e dialogut është çështje e cila na ka pru për me bërë kompromise, për me bërë kompromise në mënyrë që me i integrua katër komunat e veriut, me integrua Trepçën dhe ne me qeverisë dhe jo me thënë po ja u japim Trepçën asociacionit, sepse asociacionin nuk e ka asnjë kompetencë as për Trepçën, as për Ujmanin ,as për askënd. Me menaxhua me Ujmanin, normalisht me menaxhua me atë pjesë e cila është në territorin tonë, për pjesën tjetër duhet të merremi vesh me Serbinë, do të thotë si në bazë të konventave ndërkombëtare ne do të menaxhojmë atë pjesë, ose do të përfundojmë edhe obligimet financiare për atë pjesë sepse në bazë të dhënave 78 përqind është në territorin tonë, 22 përqind e ujit është në territorin e Serbisë që as nuk mundet të thotë Serbia që e jona krejt e as nuk mundemi me thënë ne që është e jona. Serbia mund të thotë vetëm për atë pjesën, dhe natyrisht që është një burim tepër i rëndësishëm sepse ne furnizohemi edhe termocentralet në atë pjesë, kemi kanalin e ujitjes edhe kemi sistemin e Batllavës vërtetë të furnizimit me ujë që ne po ndërtojmë kapacitete të reja për Prishtinën që të kemi orientime me marrë ujin nga atje, do të thotë janë çështje të cilat ne duhet të mendojë në mënyrë më komplekse sepse me vu kushte shkuarja në zgjedhje pastaj është një çështje tjetër, aty duhet të matet çdo një. Të themi jashtë kësaj ne si LDK mund ët shkojmë në zgjedhje sonte, mundemi me shku nesër, kurrë nuk i frikohemi zgjedhjeve mirëpo problemi është se çfarë praktike ne po instalojmë për zgjedhje, a mundemi të hymë në këto zgjedhje dhe pastaj pas një muaj ata që mbesin në opozitë dalin ta bllokojnë foltoren , të hedhin gaz lotsjellës dhe të thonë, jo ne nuk i pranojmë këto sepse duhet me shku pastaj në zgjedhje tjera. Ne e kemi koalicion stabil, e kemi shumicën stabile, e marrim përgjegjësinë para Ligjit me qeveris me ligj edhe në zgjedhje shkojmë në vitin 2018.KosovaPress: Ju vetë a shihini që ka shanse për tu përmbyllur ky fërkim dhe gjithë kjo formë e komunikimit mes pozitës dhe opozitës, dhe të niset një sezon e re?Mustafa: Unë mendoj se ka shanse dhe duhet të ketë është e domosdoshme që duhet të ketë shanse, nuk munden njerëzit të bëhen të padëgjueshëm dhe me pengu jetën institucionale sepse askush nuk mund të vihet mbi ligjin dhe mbi Kushtetutën. Duhet njerëzit të jenë racional, ata që dëshirojnë me qenë në Kuvend, duhet me hy në Kuvend, me punu në Kuvend, ata që dëshirojnë me zhvillua aktivitet jashtë Kuvendit askush nuk ia ndalon, por duhet ta bëjnë me mjete paqësore, pa dhunë, edhe pa dëmtim të pronës publike dhe të pronës privat.KosovaPress: Z. Kryeministër, të ndalemi pak tek dialogu i Kosovës me Serbinë. Meqë qeveritarë nga Serbia kanë përmendur disa herë kohët e fundit që do të ketë vazhdim të bisedimeve me pika të forta dhe të nxehta, duke përgatitur opinionin dhe vetë opozitën atje për çështjet që do të diskutojnë me Kosovën për kapitullin e 35-të, ju vet a keni agjendë bisedimesh, a dihet se për çfarë do të flisni këtë vit?Mustafa: Ne kemi shumë vërejtje në pikëpamjen e implementimit sepse ne kemi mjaftë shumë marrëveshje që i kemi arritur por të cilat nuk po implementohen nga ana e Serbisë. Akoma kemi struktura paralele nëpër komuna dhe nëpër fusha tjera, akoma kemi pengesa të lëvizjes së lirë në Veri të vendit, akoma të themi ka problem edhe në komunat në veri edhe pse unë mendoj që kemi një bashkëpunim mjaftë të mirë me kryetarët e komunave, mirëpo ka probleme, të themi, tek vendosja lidhur me buxhetin, tek organizimi, menaxhimi, e të tjerë, por këto po i kapërcejmë sepse këtu Serbia nuk po mundet të ushtrojë ndonjë ndikim të veçantë. Tash janë çështjet tjera të cilat kanë mbet të hapura. Janë mbet të hapura të hapura që ne të përfundojmë tash implementimin e marrëveshjes për energjinë, të përfundojmë implementimin për kodin telefonik, deri në fund të qershorit të vitit të ardhshëm të përfundojmë urën edhe të krijojmë lëvizjen e lirë mbi urë, që lidh pjesën jugore dhe veriore të Mitrovicës. Dhe ne kemi propozuar tani që me prioritet t’i diskutojmë marrëveshjet për transportin ajror dhe transportin hekurudhor. Tek transporti hekurudhor do të shohim gjitha komponentët e marrëveshjes që pastaj do të mundësonte qarkullimin e lirë të hekurudhave, në mënyrë që ne të lidhemi me Bashkimin Evropian përmes hekurudhave dhe të mos kemi pengesa të kalimit në territorin e Serbisë, dhe po ashtu të kemi marrëveshje të transportit ajror që do të mundësonte fluturimet e kontrolluara nga Kosova mbi territorin e vetë, por edhe fluturimet mbi territori e Serbisë, sepse ka pasur dhe ka akoma probleme të tilla dhe un mendoj që marrëveshjet e tilla do të arrihen. Ne tash do të propozojmë që të bëjmë marrëveshje më të lehta, të cilat mund të bëhen. Duhet pastaj të trajtojmë çështjen e të pagjeturve që është një çështje mjaftë e ndjeshme dhe nuk do të pranojmë kurrë që të ulemi dhe të diskutojmë për pronat tona, sepse ato janë në Kushtetutë, në pako të Ahtisarit të përcaktuara që i takojnë shtetit të Kosovës, ndërsa çdo gjë tjetër të cilën ne mund ta bëjmë, të themi edhe me kërkesën e faktorit ndërkombëtar, duke marr parasysh edhe Brukselin edhe Shtetet e Bashkuara të Amerikës, do të mundohemi t’i zgjidhim. Dhe tash, mund të them se disa janë të nxehta e disa janë të ftohta sepse pa marr parasysh cilësimet të cilat po jepen lidhur me dialogun, me atë se a është pala kosovare apo jo, do të thotë dialogu është mjaft i vështirë kërkon shumë kohë, shumë kërkon shumë përkushtim, kërkon shumë ekspertizë, ne po mundohemi maksimalisht ta bëjmë këtë, është një punë tepër e rëndë dhe tepër e rëndësishme.KosovaPress: Z. Kryeministër, krejt në fund, cili është vizioni juaj për vitin 2016-të?Mustafa: Unë së pari do të dëshiroja që të jemi sa më unik në vitin 2016, që gjitha mos pajtimet tona, divergjencat politike, t’i zgjidhim brenda institucioneve të Republikës së Kosovës, dhe duke i argumentuar nëKuvendin e Republikës së Kosovës. Ju siguroj se si kryeministër së bashku me Qeverinë do të punojmë në interes të qytetarëve të Republikës së Kosovës. Në rend të parë të zhvillimit ekonomik, të mirëqenies së qytetarëve, të shtimit të punësimit dhe krijimit të bazës për zhvillim edhe mëtutjeshëm, për synim më të mirë të fëmijëve tanë, dhe të një sistemi shëndetësor i cili do të mundësonte që njerëzit tonë këto shërbime t’i kryen në vendin e tyre, në mënyrën më të mirë dhe me besimin më të madh. Unë kërkoj përkrahjen e qytetarëve për një punë të përkushtuar të Qeverisë së Republikës së Kosovës, dhe po ashtu ju ofroj qytetarëve përgjegjësinë time në çdo moment për vërejtjet e tyre, për përcaktimet e tyre, dhe për orientimet të cilat ata mendojnë që duhet t’i kenë të në të ardhmen.