Sulmohet autobusi i rojeve të sigurisë së Presidentit, 11 viktima
Nga OraNews Përditësimi i fundit 24 Nëntor 2015, 21:08
Të paktën 11 persona kanë humbur jetën dhe shumë të tjerë u plagosën si pasojë e një shpërthimi në Tunizi.Objektivi i sulmit ishte një autobus që transportonte rojet e sigurisë të Presidentit të vendit në kryeqytetin Tuniz.Nuk dihet ende shkaku i shpërthimit, por mediat njoftojnë se shpërthimi ndodhi në rrugën “Muhamed”, një prej zonave kryesore në Tuniz.Në vendngjarje ndodhen shumë ambulanca dhe forca policore, teksa gjithë zona e qëndrore e kryeqytetit është izoluar nga forcat e sigurisë.Tunizia ka qenë shpesh në shenjestër të militantëve të Shtetit Islamik.Në qershor të këtij viti 39 persona humbën jetën gjatë një sulmi në plazhin Sus, i cili frekuentohet masivisht nga të huajt.
