Në Itali kanë zbarkuar rreth 141 mijë emigrantë

Nga OraNews Përditësimi i fundit 5 Nëntor 2015, 20:31

Ministria e Brendshme italiane ka bërë publik të dhënat e fundit statistikore mbi numrin e emigrantëve që kanë mbërritur gjatë 2015 në territorin italian.Deri më tani në Itali kanë zbarkuar rreth 141 mijë emigrantë nga 945 udhëtime me mjete të ndryshme lundruse. Këto shifra shënojnë rreth 10% më pak të fluksit të emigrantëvve në krahasim me vitin 2014.90 % e zbarkimeve të emigrantëve janë nisur nga Libia e kombësia e prejardhjes së tyre është mjaft heterogjene. Ata vinë kryesisht nga Briri i Afrikës; Eritrea, Sudan, Somalia, por dhe nga Nigeria e Siria.Emigrantët sirianë përbëjnë momentalisht rreth 5 % të numrit të përgjithshëm të emigrantëve të pranishëm në Itali, rrjedhë kjo e ndryshimit të rrugës së emigrimit të sirianëve drejt Europës.Në sistemin e strehimit të emigrantëve aktualisht janë rreth 100 000 prej tyre e rreth 72 mijë ndodhen në qëndrat e strehimit të përkohëshëm.Ministria e Brendshme italiane ka informuar se deri më tani janë ekzaminuar rreth 53 mijë kërkesa azili e që përbëjë rreth 75% më shume se një vit më parë.Ministri i Brendshëm italain Angelo Alfano në Komisionin e Ligjeve ntë Parlamentin italain ka deklaruar se gjatë ditës së sotme në bazë të vendimit të Bashkimit Europian për shpërndarjen e emigrantëve sipas kuotave, rreth 20 emigrantë janë nisur nga Italia drejt Francës, ndërsa ditën e dielë më 8 nëntor 50 emigrantë të tjerë priten të nisen drejt Spanjës."Deri më tani, u shpreh Ministri Alfano, në shpërndarjen e emigrantëve sipas kuotave pranohen vetëm ata me kombësi nga Eritrea e Siria, por Italia do të kërkoje të zgjerohet ky proces dhe për emigrantët me kombësi afgane, nigeriane, somaleze e nga Mali."Gjithashtu Ministri italin ka kërkuar "nevojshmërinë e një kornize normative përsa i përket aktivitetit veprues të qëndrave hotspot, të cilat do të lejojnë kohëzgjatjen e qëndrimit të emigrantëve deri në identifikimin e tyre.""Ky është hap delikat e i rëndësishëm , tha ai, pasi vihen në lojë të drejtat e emigrantëve. Deri më tani mungojnë normativa e ngritjes së tyre e Parlamenti duhet të gjej rrugëzgjidhje."