Në shkollën "Avni Rustemi" të Kukësit nxënësit nuk kanë as karrige të ulen
Nga OraNews Përditësimi i fundit 13 Tetor 2015, 14:24
Prindërit e nxënësve të shkollës 9 vjeçare “Avni Rustemi” në qytetin e Kukësit janë tepër të indinjuar.Shkolla në të cilën studiojnë fëmijët e tyre është në gjëndje të mjerueshme instrastrukturore.Nuk mund të flitet vetëm për dyer të dëmtuara, tavolina të dëmtuara, apo mungesë e ngrohjes tani që dimri po afron.Por në disa klasa fëmijët e tyre nuk kanë as ku të ulen. Në vend të tyre janë karrige shtëpie, të cilave u ka mbetur vetëm skeleti.“Jam në klasë me vëllanë tim. Ai rri në një dërrasë shumë të vogël” thotë një nxënës.“Unë rri me një dërrasë që më ka gjetur. Stolat i kemi të prishura, rrimë në qoshe të stolave”Një situatë e tillë indinjoi dhe prindërit të cilët kërkojnë marrjen e masave urgjente, në të kundërt thonë se mësimi do të bojkotohet nga fëmijët e tyre.“Fëmijët tanë nuk do të marrin pjesë në mësim për aq kohë sa problemi të marrë zgjidhje. Të mos ketë vend ku të ulet fëmija është krim. Pa karrige, çfarë i kërkon atij fëmije” thonë prindëritSistemimi i Bankave të shkatërruara, dyerve të thyera, ngrohja e klasave gjatë dimrit janë disa nga kërkesat e këshillit të prindërve të shkollës 9 vjecare "Avni Rustemi". Sipas DAR Kukës, situata ëhstë pasojë e mungesës së fondeve për investime. Në qytetin e Kukësit janë 6 shkolla 9 vjeçare, dhe gjëndja insfrastrukturore në shkolla është e mjerueshme.
/Oranews.tv/
