Buxheti i familjeve, qytetarët: Kursejmë në ushqime, prioritet arsimi
Nga OraNews Përditësimi i fundit 17 Shtator 2015, 16:19
Konsumi i familjeve shqiptare ka rënë me rreth 6 % gjatë 5 viteve të fundit.Ndërkohë të dhenat bëjnë me dije se familjet i kanë kushtuar rëndësi arsimit në buxhetin e tyre pasi kanë kursyer në ushqime për t’i ofruar fëmijëve një shkollim sa më të mirë. Drejtori i INSTAT Gjergj Filipi bëri me dije se një individ në Shqipëri shpenzon mesatarisht rreth 18 mijë lekë në muaj.Gjergj Filipi: “4.2% të buxhetit mesatar gjithsej të familjeve shqiptare në vitin 2014, pjesën më të madhe e kanë zënë pagesat në lidhje me kategorinë master të nivelit të parë dhe nivelit të dytë me 58.8%”Përsa i përket shpenzimeve në bazë të qarqeve në Tiranë qytetarët shpenzojne më shumë para për veshje dhe këpucë ndërsa në Dibër dhe Vlorë shpenzimet për ushqime zënë peshën më të madhe në buxhetin e një familjeje.Gjergj Filipi: “Përsa i përket shpenzimeve për veshje, qarku i Tiranës ka përqindje më të lartë 6.6%”.Shqiptarët i kanë kushtuar një vëmendje të veçantë edhe blerjes së makinave një zë që ka pësuar rritje me 30%.Blerina Subashi, Përgjegjëse e sektorit të analizave demografike: “Duket se ka një rritje të numrit të makinave me 30%”10.2% të buxhetit familjet shqiptare e shpenzojnë për të paguar energjinë elektrike dhe ujin.
