Rrëfimi i mbesës së Faik Konicës që jeton si emigrante në Prishtinë
Nga OraNews Përditësimi i fundit 15 Shtator 2015, 21:20
Pak kujt do t’i shkonte në mend se pasardhësit e dy figurave më të ndritura të historisë dhe letërsisë shqiptare, vëllezërve Faik e Mehmet Konica, do të kërkonin azil në tokën e etërve të tyre.70 vjet pas vdekjes së Mehmet Konicës, e mbesa e tij, Randa Al Azem Konica, jeton si emigrante në Prishtinë, kjo pasi ajo braktisi Sirinë, vendin ku kishte lindur.Në një shqipe të kuptueshme, ajo ka rrëfyer për emisionin Rubikon historinë e familjes së saj, duke nisur nga pushtimi italian e deri te zhvendosja e familjes së saj në Siri.Randa Al Azem Konica tregon se si nëna dhe tezja e saj i shpëtuan pushkatimit, pasi Ambasada angleze kushtëzoi shërimin e nipit të diktatorit Enver Hoxha me lirimin e familjes Konica.Pas kësaj, me ndihmën e Mbretit Ahmet Zogu, familja ishte vendosur në Siri, ku trashëgimtaret e vetme të vëllezërve Konica u martuan me vendës dhe krijuan familje, por duke ruajtur gjuhën e tyre amtare.Randa ka rrëfyer se ëma e saj kishte vdekur dhe asnjëherë nuk e pranoi nënshtetësinë e Sirisë me shpresën se gjërat do të përmirësoheshin dhe ajo do të merrte atë shqiptare.Për trashëgimtaren e Konicës janë absurde procedurat burokratike që Kosova dhe Shqipëria kanë për dhënien e vizave për shqiptarët që jetojnë jashtë vendeve të tyre.Ajo ishte indinjuar kohët e fundit, kur Shqipëria i refuzoi vizën vajzës së tezës së saj, e cila ka mbetur në Siri.Randa Al Azem Konica i ka bërë thirrje presidentes së Kosovës që t’i ndihmojë ta nxjerrë nga Siria atë, pasi edhe ajo është mbesa e parë e vëllezërve Konica./Telegrafi/
