Serbia revoltohet me Hungarinë: Nuk jemi kamp përqëndrimi
Nga OraNews Përditësimi i fundit 15 Shtator 2015, 21:38
Zyrtarët serbë janë revoltuar me sjelljen e Hungarisë dhe pjesën tjetër të Europës, dhe insistojnë që vendi i tyre “nuk është një kamp përqëndrimi” për emigrantët.Hungaria u kritikua nga fqinji i saj pas vendosjes së mureve prej teli natën e kaluar në kufi.9000 emigrantë kaluan përmes Serbisë.Qeveria hungareze ka ngritur gardhe me tela me gjemba përgjatë kufirit të saj jugor, si pjesë e masave për të frenuar e emigrantëve. Më herët Hungaria kreu 174 arrestimet e para siç kishte lajmëruar më parë për vendimin e hyrë në fuqi nga 15 shtatori, për vënien në pranga të çdo emigrant të jashtëligjshëm që kalonte kufirin.Por Ministri serb i Punës dhe Politikave Sociale, Aleksandar Vulin, këtë pasdite insistoi se vent ii tij nuk do t’i mbajë emigrantët nëse ato kthehen.“Asnjë nuk do të mbahet, Serbia nuk është kamp përqëndrimi,” tha ai duke shtuar: “Ju nuk mund t’i lini njerëzit në Serbi, pa dëshirën e tyre. Ata nuk janë kriminelë”.Hungaria deklaroi më vonë gjatë kësaj dite se do të vendosë edhe gardh në kufirin e saj me Rumaninë, lëvizje të cilën Rumania tha se shkelte frymën e unitetit të BE-së.Qindra refugjatë kaluan natën në qiell të hapur në kufirin verior të Serbisë ndërsaa policia hungareze dhe ushtarët arrestuan 174 emigrantë, duke i thënë se do të përballen me ndjekje penale.
