Crown Agents drejt largimit, MF: Nuk do ketë as rinovim as ndërprerje
Nga OraNews Përditësimi i fundit 22 Gusht 2015, 16:57
Crow Agents, kompania qe auditon doganat shqiptare qe prej vitit 2014 pas ardhjes se te majtes ne qeverisje do të vijoje detyren edhe pse nuk ka plotësuar kushtet e kontratës se lidhur me qeverine.Burime nga ministria e financave hedhin poshtë zërat se do të ketë rishikim të kësaj kontrate pasi kompania paguhet në bazë të performancës. Kontrata e kësaj kompanie është miratuar, në 10 shkurt të 2014, me një afat 2 vjeçar dhe lë një hapësirë për shtyrje edhe me 12 muaj të kontratës në bazë të vendimit të qeverisë shqiptare.Marrëveshja përfundon zyrtarisht në fundt të muajit shkurt të 2016 dhe pas analizimit të dhënave do të merren edhe vendime përkatëse.Gjatë vitit të parë të punës në Shqipëri marrëveshja me Crow Agents i ka kushtuar qeverisë mbi 4.2 milionë euro, ndërsa vetëm automjetet kushtuan 400 mijë euro.Kompania Crown Agents u kontraktua nga qeveria shqiptare me zotimin se do të rriste të ardhurat doganore me 1% të PBB-së, por në bazë të treguesve fiskale konstatohet se doganat kanë pasur një mosrealizim të ndjeshëm në 7 mujorin e parë të këtij viti.Qeveria e shqiptare ka a nënshkruar kontratën me “Croën Agents” për mbështetjen e zhvillimit të Administrimit të Doganave Shqiptare, e cila përfshin: Rritjen e nivelit të të ardhurave,rritjen e niveleve të integritetit në administratën doganore si dhe ngritjen e kapaciteteve dhe efektivitetit në administrimin e doganave sipas kërkesave të Integrimit të Bashkimit Europian.Por ne mbledhjen e te ardhurave deshtimi eshte I dukshem, ndaj dhe autoritetet nuk do ta marrin ne considerate piken e marrveshjes qe flet për shtyrje te afatit te kontrates per aq kohe sa ajo u shkel ne piken me te forte te saj ate te grumbullimit te te ardhurave.
