Spanjë, arrestohen 4 vetë që donin të bashkoheshin me ISIS
Nga OraNews Përditësimi i fundit 31 Mars 2015, 18:19
Policia spanjolle ka arrestuar dy adoleshentë dhe dy të rritur të martën në verilindje të vendit, pasi dyshohej se do të udhëtonin për në Siri për të luftuar me militantët e Shtetit Islamik.Të miturit, të dy nën 16 vjeç u arrestuan pas një operacioni policor në një qytezë rreth 11 kilometra nga Barcelona, sëbashku me dy të dyshuarit e tjerë, njëra femër.Ministria e Brendshme spanjolle tha se vëllai i madh dy adoleshentëve ishte tashmë në Siri, pasi ishte rekrutuar nga grupimet xhihadiste dhe kishte mbetur i vrarë atje vitin e kaluar.Ata gjithashtu ishin larguar nga shkolla dhe kishin nisur studimet në një qendër islamike në Marok.Itinerari i tyre për në Siri kalonte pikërisht nga Maroku e më pas në Turqi, prej nga edhe do të kalonin kufirin, me dijeni të plotë të prindërve.Numri i të rinjve që rekrutohen, kryesisht përmes rrjeteve sociale, për t'iu bashkuar grupimeve të ndryshme terroriste që luftojnë në Irak dhe Siri, është rritur ndjeshëm vitin e fundit, duke u bërë pjesë e qindra vetëve që kanë udhëtuar për në zonat e konfliktit.Rasti i fundit janë tre adoleshentë britanikë, të cilët lanë shtëpitë e tyre për t'u bashkuar me ISIS, por u ndaluan në aeroportin e Stambollit dhe u ridërguan në shtëpi.Megjithatë, shumë të tjerë kanë arritur të kalojnë dhe të përfundojnë në zonat e konfliktit.
