Basha uron Sarkozi për fitoren: Rezultat inkurajues edhe për të djathtën shqiptare
Nga OraNews Përditësimi i fundit 23 Mars 2015, 19:40
Kryetari i PD, Lulzim Basha ka uruar Presidentin e UMP Sarkozi për rezultatin në zgjedhje lokale. Në një letër dërguar Sarkozi Basha i shkruan se fitorja e tij është domethënëse dhe është një rezultat inkurajues për të djathtën europian, por edhe të djathtën në Shqipëri.Ndër të tjera Basha i shkruan se fitorja e tij është akt besimi tek qytetarët francëze.”"Tiranë, 23 mars 2015I nderuar zoti President, i dashur mik,Kam kënaqësinë e madhe t’iu uroj për fitoren në raundin e parë të zgjedhjeve rajonale dhe të shpreh besimin tim të plotë se kjo fitore në këto zgjedhje të rëndësishme për Francën e më gjërë, do të konfirmohet plotësisht në raundin e dytë.Rezultati i arritur nga UMP nën drejtimin tuaj është domethënës dhe një akt besimi i qytetarëve francezë ndaj projektit tuaj, si një burim shprese dhe optimizmi për Francën.Por jo vetëm kaq, ky rezultat është inkurajues për të djathtën dhe qendrën e djathtë kudo në Europë, edhe në vendin tim, dhe një inkurajim për të ecur përpara me programet tona dhe ofertën tonë për qytetarët që ka në qendër zhvillimin ekonomik, punësimin, sigurinë dhe dinjitetin e qytetarëve tanë përmes lirisë së sipërmarrjes, taksave të ulëta, sundimit të ligjit, dhe qeverisjes së vogël e të përkushtuar ndaj njerëzve.Me përshëndetjet e mia më të përzemërta dhe urimet e mia dhe të Partisë Demokratike për një rezultat sa më pozitiv edhe në raundin e dytë,Juaji sinqerisht,Lulzim BashaKryetar i Partisë Demokratike të Shqipërisë
