Tsipras takon sot Merkel, nëse nuk merr para Greqia në prag falimenti
Nga OraNews Përditësimi i fundit 23 Mars 2015, 10:05
Kryeministri grek, Aleksis Tsipras, mbërrin sot në Berlin ku do të pritet me ceremoni zyrtare nga kancelarja gjermane Angela Merkel, ndërkohë që është rritur gjithnjë e më tepër frika se arkat e shtetit grek po boshatisen.Dy shtetet janë ndeshur disa herë drejtpërdrejt, ndërkohë që Greqia ringecionote kushtet e borxhit dhe programit të shpëtimit.Sipas të gjitha gjasave, Tsipras pritet të sqarojë Merkelin që Greqia nuk mund të shlyejë pagesat e afërta pa ndihmë të re financiare, edhe pse kancelarja pati deklaruar të premten se pa reformat nuk do të ketë para shtesë.Sipas "Financial Times", Tsipras i ka dërguar një letër Merkelin që më 15 mars duke i thënë se qeveria e tij mund të jetë e detyruar të zgjedhë mes pagesës së detyrimeve ndaj kreditorëve apo shlyerjen e pensioneve dhe rrogat e administratës publike.Në samitin e fundit të Bashkimit Europian, Greqia premtoi se do të realizonte kërkesat e kreditorëve dhe do të prezantojë një paketë reformash ekonomike brenda pak ditësh, në mënyrë që të sigurojë sasinë e parave që nevojiten për të mos u larguar nga euro.
