Dialogu i Nivelit të Lartë BE-Shqipëri, komisioneri Hahn të hënën në Tiranë
Nga OraNews Përditësimi i fundit 21 Mars 2015, 16:14
Komisioneri Evropian për Politikën e Fqinjësisë Evropiane dhe Negociatat e Zgjerimit Johannes Hahn do të vizitojë për herë të parë Shqipërinë, të hënën. Ai do të qendrojë në kryeqytet më 23 dhe 24 mars 2015 për t'u takuar me autoritetet më të larta shqiptare dhe për të marrë pjesë në raundin e pestë të Dialogut të Nivelit të Lartë midis BE-së dhe Shqipërisë.Dialogu i Nivelit të Lartë për pesë Prioritetet Kyçe, do të bashkëkryesohet nga Komisioneri Hahn dhe Kryeministrin Edi Rama, dhe në focus ka punën e Shqiperisë për realizmin e reformave kyçe të nevojshme për fazën e ardhshme të procesit të integrimit të vendit në BE.Gjatë qëndrimit të tij në Tiranë, Komisioneri Hahn do të takohet me Presidentin Nishani, Kryetarin e Parlamentit Meta,Kryeministrin Rama, kryetarin e opozitës Basha dhe përfaqësues të biznesit dhe shoqerisë civile.Ai do të vizitojë disa qendra kulturore në Tiranë, një projekt të finacuar nga BE si dhe do të ketë një diskutim mbi çështjet e ndërlidhjes e transportit me Qeverinë.Në fund të vizitës, Komisioneri Hahn dhe Kryeministi Rama do të mbajnë një konferencë të përbashkët për shtyp.
