Devoll, mungon uji i pijshëm, 300 banorë prej 3 vjetësh e pijnë të ndotur
Nga OraNews Përditësimi i fundit 19 Shkurt 2015, 12:36
Rreth 300 banorë në fshatin Vërlen të Devollit prej tre vjetësh konsumojnë ujë të ndotur.Shkak është bërë jo vetëm linja mbi 40-vjeçare por edhe ndërhyrjet pa kriter në tubacionin kryesor nga ana e vet banorëve të fshatit.Banorët pranojnë ndërhyrjen nga bashkëfshatarët, dhe kërkojnë që të ndërhyhet për të rikthyer ujin e pijshëmBanor : “Kur bien shirat, nuk mbush dot ujë të lash rrobat, jo më enët dhe për të pirë. Këto 2-3 vitet e fundit është shumë keq situata. Në çdo vend janë çarë tubacionet. Kur mbush ujë del ndryshk. Detyrohemi të ecim rreth 1 kilometër në këmbë për të mbushur ujë në mal”.Para disa vjetesh nisi një projekt për ndërtimin e ujesjellësit të ri, i cili u ndërtua por tubacionet nuk arritën të shtroheshin deri në fshat.Banorëve të Vërlenit u duhet të ecin çdo ditë rreth 30 minuta në këmbë për të mbushur ujë të pijshëm.Banor : “Uji është i turbullt. Unë paguaj taksat dhe dua ujë të pijshëm”. Mungesa e ujit ka shkaktuar probleme edhe tek shkolla e fshatit, tualetet e së ciles nuk janë funksionale, ndaj femijët i kryejne në ambjentet e jashtme nevojat personale.
