Leonard Olli reagon për deklaratën e PS-së: Rama ecën me parimin, shpif se diçka do të mbetet
Nga OraNews Përditësimi i fundit 16 Shkurt 2013, 18:42
Ministria e Brendshme reagon ndaj deklaratave të sotme të Saimir Tahirit.Ministria e Brendëshme ka dalë në një konferencë për shtyp, nëpërmjet zëdhënësit të saj, Leonard Olli, i cili ka reaguar ndaj deklaratave të deputetit socialist, Saimir Tahiri.“Pamjet filmike janë të qarta dhe do të vihen në dispozicion të kujtdo që do ti kërkojë ato. Provat materiale të paraqitura nga prokuroria i ka në dispozicion organi i akuzës”, u shpreh zëdhënësi i Ministrisë së Brendshme.“Rama kërkon të shpif për policinë e shtetit, ecën me parimin shpif se diçka do të mbetet. Më 23 Qershor do ti japim fund shpifjeve dhe marrëzisë së bllokimit.” Përfundoi deklaratën e tij, Leonard Olli.Paraditen e sotme Partia Socialiste ka dalë në një konferencë për shtyp ku me anë të deputetit të saj, Saimir Tahiri, ka kërkuar arrestimin e menjëhershëm të ekspertit Ndoc Çardaku, si një kriminel që manipuloi provat e 21 Janarit dhe e ka cilësuar 21 Janarin si krim shtetëror. Tahiri ka theksuar se pas 23 Qershorit, Partia Socialiste do të vendosë autorët e krimit para drejtësisë.“Eksperti është një manipulator i makinës shtetërore që fillon nga doktori i spitalit, shefi i informatikës në Kryeministri e deri tek Kryeministri vetë. Të gjithë këta bëjnë mirë të përgatiten, se pas 23 Qershorit do të japin llogari për 21 Janarin, të cilin Kryeministri sot shpalli me palaçollëk se do ta shpallë ditë pushimi. Pas 23 Qershorit ne e grantojmë kryeministrin se cdo ditë të vitit do e ketë pushim por jo pushim për qetësi por për të dhënë llogari” ka theksuar Tahiri.
