FRESSH protestë: Basha s’mbajti premtimin për hapësira të gjelbëra. Reagon Bashkia
Nga OraNews Përditësimi i fundit 8 Dhjetor 2014, 19:07
Në Ditën Kombëtare të Rinisë, një grup gjimnazistësh të Forumit të Rinisë Eurosocialiste të Shqipërisë, protestoi para Bashkisë së Tiranës, duke akuzuar kreun e saj Lulzim Basha, për mosmbajtjen e premtimeve elektorale.Sipas tyre,3 vjet më pare Basha premtoi më shumë hapësira të gjelbera dhe argëtuese për kryeqytetasit e për të rinjtë, por sot asnjë prej tyre nuk është realizuar.Pas protestës, Bashkia e Tiranës përmes një njoftimi për shtyp akuzoi Kryeministrin dhe ish- kryebashkiakun Rama se përdori nëpunës të administratës për të kërkuar hapësira të gjelbërta."Ish-kryebashkiaku Rama iu rikthye të vetmes dajre të vjetër që di t'i bjerë, të akuzojë gjithkënd për paaftësinë e tij. Njeriu që për 11 vjet betonizoi Tiranën nxorri sot nëpunësit e administratës për të kërkuar fusha.Nëse zoti Rama nuk do të betonizonte mbi 65 mijë metra katrorë lulishte në zemër të Tiranës vetëm në 4 vitet e tij të fundit si kryebashkiak do të kishte hapësira të shumta për pushim dhe argëtim për qytetarët e Tiranës.Nëse zoti Rama nuk do të bllokonte paligjshmërisht projektin e Bulevardit të ri, Tirana do kishte 7 parqe dhe mbi 300 mijë metra katrorë gjelbërim për kryeqytetasit dhe gjithë vizitorët e saj".
