Ekonomisti francez ,Zhan Tirol fiton Nobelin për Ekonominë 2014
Nga OraNews Përditësimi i fundit 13 Tetor 2014, 17:42
Ekonomisti francez, Zhan Tirol, fiton Çmimin Nobel për Ekonominë për vitin 2014, për punën që ka bërë duke hedhur dritë mbi mënyrën se si qeveritë duhet të rregullojnë aktivitetin e kompanive të fuqishme që dominojnë tregjet.Akademia Mbretërore Suedeze e Shkencave prezantoi sot çmimin, prej të cilit, Tirol, sikurse gjithë nobelistët e tjerë, do të përfitojë rreth 1,1 milionë dollarë."Çmimi i këtij viti në shkencat ekonomike jepet për vënien nën kontroll të firmave të fuqishme. Çmimi i jepet profesorit Zhan Tirol, i Universitetit të Tuluzës, për analizën e normave dhe rregullave të tregut", tha Stafan Normark, Sekretari i Përhershëm i Akademisë.Studimi i Tirolit tregon se masat rregullatore të tregut duhet të përshtaten me kujdes ndaj kushteve të disa industrive specifike, jot ë gjithave sëbashku, si vendosja e çmimeve tavan, që ndonjëherë më tepër shkaktojnë dëme se sa rregullojnë gjendjen.Ai vlerësohet si një prej ekonomistëve më të rëndësishëm të viteve të fundit, pasi puna e tij ka sqaruar marrëdhëniet që duhen krijuar me firmat e fuqishme. Çmimi i Ekonomisë, i cili zyrtarisht quhet Çmimi në Shkencat Ekonomike Sveriges Riskbank, është dhënë për herë të parë në vitin 1968, pasi nuk ka qenë pjesë e grupimit fillestar të çmimeve të përmendur në testamentin e Alfred Nobelit në vitin 1985. Përgjatë viteve, çmimin e kanë dominuar ekonomistë nga Shtetet e Bashkuara të Amerikës, ndërsa vetëm pak fituesë nga pjesë të tejra të globit numërohen që prej vitit 1994.
