PD: Të mos luhet me fatin e të rinjve, Rama të mos hedhë në rrugë studentët
Nga OraNews Përditësimi i fundit 5 Tetor 2014, 13:11
Partia Demokratike ka ngritur sot shqetësimin për të rinjtë që kanë studiuar në Universitetet Private, të cilët duket se nuk kanë asgjë të sigurtë për të nesërmen e tyre.Deputeti i PD, Luçiano Boçi, i kërkoi kryeministrit të heqë dorë me lojërat e tij për të ardhem e mijëra të rinjve dhe me investimin e djersës dhe gjakut të prindërve të tyre.Deklarata e plotëQeveria po trajton mijëra të rinj studentë, si emigrantë të paligjshëm, duke i sorollatur nëpër dyer ku nuk marrim sqarim për të ardhmen e tyre.Mijëra studentë të universiteteve private dhe familjet e tyre po përjetojnë sot ditë ankthi, pasi falë qeverisë, nuk kanë asgjë të sigurtë për të nesërmen e tyre akademike.Në mijëra raste, qeveria po fshin me një të rënë të lapsit deri në 3 vite investime të studentëve, kursime gjaku dhe djerse të familjeve të tyre.Dhe kjo sepse, me një pashpirtësi të pashoqe, qeveria i shumëzoi ata me zero pas mbylljes së universiteteve private.3 vite mund, para, dhe studime, shkrumbohen e bëhen hi, sepse Edi Rama ka gatuar corbën e tij klienteliste të arsimit.Mijëra studentë të tjerë nuk po regjistrohen dot në universitetet publike, sepse dyert e tyre janë të mbyllura nga kuotat qeveritare të Edi Ramës.Ne i bëjmë thirrje sot Edi Ramës dhe qeverisë së tij, të ndalin diskriminimin e të rinjve, trajtimin e tyre si emigrantë të paligjshëm e të sigurojë mundësitë për secilin që të ndjekë universitetin sipas krediteve që ka përfituar gjatë viteve të studimit.Partia Demokratike i kërkon Edi Ramës të heqë dorë nga lojërat e tij të pista me të ardhmen e mijëra të rinjve dhe me investimin e gjakut e djersës së familjeve të tyre.Edi Rama dhe qeveria e tij e kanë për detyrë të sigurojnë vazhdimin e studimeve për cdo student që hodhën në rrugë, sipas krediteve që ka deri më tani.
