Masa sigurie për Papën, Garda: Në meshë askush pas orës 09:00
Nga OraNews Përditësimi i fundit 8 Shtator 2014, 14:35
Tiranë- Nën masa të rrepta sigurie do të jetë vizita e Papa Franceskut në Tiranë në datën 21 shtator. Vizita e tij kulmon me meshën që do të mbahet në orën 11:00 në sheshin "Nënë Tereza".Në kuadër të masave të sigurisë, Garda e Shqipërisë ka njoftuar paraprakisht se hyrja e të gjithë të ftuarve duhet të bëhet deri në orën 09:00 të mëngjesit dhe më pas, nuk do të ketë mundësi të futet askush pasi nuk lejohet nga Garda.Sipas njoftimit të dhënë nga Konferenca e Ipeshkvnore e Shqipërisë, vendi i hyrjes do të jetë në rrugicën mes Universitetit të Arteve dhe Korpusit Qëndror të Universtitetit Politeknik.Papa Françesku do të mbërrijë në Tiranë në datën 21 shtator, ku do të ketë një axhendë të ngjeshur takimesh.Ndërkohë, Kisha Katolike Shqiptare, për të garantuar një vizitë të sigurtë të Papa Françeskut në Tiranë, ka kërkuar nga Vatikani një makinë të blinduar.Por kjo kërkesë nuk është pranuar nga selia e shenjtë. Ky fakt është pranuar nga imzot Rrok Mirdita për Ora News.
