Reklamat e 300 ditëve, PD: Rama abuzon me paratë e taksapaguesve. Përmend investigimin e "Alarm"
Nga OraNews Përditësimi i fundit 27 Korrik 2014, 13:16
Pas investigimit të emisonit Alarm në Ora News, për reklamat qeveritare në kryeqytetPD ka shtuar akuzat adresuar ekzekutivit për shpërdorim të parave të takspagauesve .Në një dalje për mediat nga selia blu, zëdhënësja Laura Vorpsi duke përmendur investigimin e “Alarm” tha se ky emision zbuloi kostot e mëdha të fushatës propakandistike.PD akuzon kryeministrin Rama se kjo është një propagandë qesharake dhe mbetet shqetësuese fakti për paratë që qeveria shpenzon për këto reklama të cilat tregojnë ndryshe nga realiteti.Partia Demorkatike akuzon Ramën se dështimet e 300 ditëve po përpiqet t’i mbulojë me një abuzim financiar.Emisioni investigativ "Alarm" i Ora News provoi se një reklamë në rrugët e Tiranës kushton 400 euro, ndërkohë që në të gjithë Tiranën dhe në Autostradë janë këto reklama. Investigimi i "Alarm"Deklarata e Plotë e PDEdi Rama vazhdon të paguajë reklama me paratë e taksapaguesve për të treguar gjera që nuk kanë ndodhur as sot, as këto 300 ditë. Kjo propagandë qesharake që nuk arrin të bindë askënd, as qeverinë vetë, është bërë prej ditësh objekti kryesor i barcaletave në vend. Por shqetësuese dhe skandaloze është kjo çështje për paratë që qeveria po shpenzon në përpjekjen për të ndryshuar realitetin e humbjes masive të vendeve të punës, rritjes së krimit dhe pasigurisë, rënies së ekonomisë dhe mungesës së investimeve. Edi Rama prej 300 ditësh sorollat dhe tallet çdo muaj me personat me aftësi të kufizuar duke shtyrë vazhdimisht pagesat e tyre, ndërkohë që gjen qindra e mijëra euro për imazh fals e rrena të përditshme. Emisioni investigativ Alarm ka zbuluar së fundmi kostot e mëdha të kësaj fushate. Dështimet e njëpasnjëshme të këtyre 300 ditëve, Edi Rama po përpiqet t’i mbulojë me një abuzim të pastër financiar. Një tjetër flluskë e madhe dhe boshe në listën e gjatë të mashtrimeve të Edi Ramës.
