PD: Shkarkimet e padrejta nga puna marrin jetën e dy kryefamiljarëve
Nga OraNews Përditësimi i fundit 15 Korrik 2014, 14:43
Tiranë- Partia Demokratike akuzoi sot qeverinë si përgjegjëse të dy vetëvrasjeve në Gjirokastër, të cilat sipas saj erdhën si rezultat i largimeve të jashtëligjshme nga puna.Zëdhënësja e selisë blu, Laura Vorpsi në një dalje për median, dënoi aktet antinjerëzore të qeverisë që sipas saj po nxjerr në rrugë punonjës të përkushtuar e me vite të tëra pune, duke mos marrë në konsideratë krizën që shkakton tek ata dhe familjet e tyre.Deklarata e plotëDy kryefamiljarë kanë vrarë veten dy ditë më parë në Gjirokastër, pas pushimit të padrejtë nga puna. Arroganca e qeveritarëve, mori jetën e 54 vjeçarit, Piro Njocko, baba i dy fëmijëve.Arroganca e qeveritarëve, mori dhe jetën e 47 vjeçarit Muharrem Majko, i cili shërbente si infermier prej më shumë se 24 vitesh në urgjencën e qytetit.Familjarët dhe të afërmit tregojnë se dy të vetëvrarët kanë kaluar një periudhë të vështirë ekonomike pas largimit nga puna dhe kjo i ka çuar në dëshpërim, deri në vetëvrasje.Dy të vetëvrarët janë viktima të qeverisë, të arrogancës së saj të pashoqe.Arrogancë që është bërë fytyra e zyrtarëve nga Tirana në Gjirokastër e kudo në Shqipëri.Partia Demokratike ngushëllon të afërmit e viktimave dhe dënon aktet antinjerëzore të qeverisë që po nxjerr në rrugë punonjës të përkushtuar e me vite të tëra pune, duke mos marrë në konsideratë krizën që shkakton tek ata dhe familjet e tyre.
