Lezhë, marshim kundër abortit, nisma nga kisha katolike
Nga OraNews Përditësimi i fundit 29 Qershor 2014, 10:55
Marshim për të kundërshtuar abortin dhe për t’i thënë po jetës. Aborti kundërshtohet nga kisha dhe një fushatë kundër këtij fenomeni është ndërmarrë në Lezhë pikërisht nga përfaqësuesit e kishës.I realizuar nga përfaqësues të kishës Katolike e cila e kundërshton një veprim të tillë nisma kishte për qëllim sensibilizimin e qytetarëve për vlerën e jetës dhe mëkatin e abortit.“Nuk jemi në këtë marshim për të gjykuar njerëzit, por për të treguar shenjën e dashurisë dhe mëshirën e zotit për ata njerëz që priren ndaj abortit.”Kështu është shprehur në fjalën e saje Kimete Klenja përfaqësuese e levizjes për jetën.Klenja ka shtuar se rastet e aborteve janë shqetësuse në vendin tonë, ndaj ndermerren edhe manifestime te tilla.Por për përgjegjësin e maternitetit të Lezhës Pjeter Meci, aborti nuk është në shifra shqetësuese në këtë qytet, si dhe ka rikujtuar se një veprim i tillë mbrohet me ligj për rastet kur rrezikohet shëndeti i gruas.Besimtaret katolikë të Lezhës janë lutur për një vetendërgjëgjsim më të madh të qytetarëve, ndërsa kanë shpalosur pankarta të shumta pro mbrojtjes së jetës së fëmijeve të palindur.
