Izraeli dënon planet për qeverinë e re palestineze
Nga OraNews Përditësimi i fundit 2 Qershor 2014, 07:52
Izraeli dënon planet palestineze për të krijuar një qeveri të re. Kryeministri izraelit Benjamin Netanyahu i ka bërë thirrje komunitetit ndërkombëtar të mos njohë qeverinë e re palestineze të unitetit që pritet të formohet sot.Qeveria e re përfshin Autoritetin Palestinez me prirje laike, që kontrollon pjesën më të madhe të Bregut Perëndimor si dhe grupin ekstremist islamik Hamas që kontrollon Rripin e Gazës.Në komentet gjatë takimit të përjavshëm të Kabinetit, zoti Netanyahu u shpreh se bota nuk duhet ta përkrahë këtë qeveri:“Hamasi është organizatë terroriste që kërkon shkatërrimin e Izraelit. Një qeveri e tillë nuk do t’i shërbente paqes, ajo do të forconte terrorin”, tha zoti Netanyahu.Presidenti palestinez Mahmud Abaz vendosi t’i japë fund armiqësisë me Hamasin pasi bisedimet e paqes me Izraelin ngecën një muaj më parë. Hamasi është kundër negociatave të paqes dhe nuk njeh të drejtën e Izraelit për ekzistencë. Por zoti Abaz tha se politikat e tij për paqe mbeten pozita zyrtare e qeverisë.Negociatori palestinez për paqe Saeb Erakat tha se ekziston një mundësi e vyer për të sjellë Hamasin në procesin e paqes.“Kemi mundësinë për të pasur një autoritet të vetëm, një sistem ligjor, një qeveri dhe një program për ekzistencën e dy shteteve dhe njohjen e Izraelit, duke hequr dorë nga dhuna”.Presidenti Abaz thotë se Izraeli e ka informuar se do të bojkotojë qeverinë e re palestineze.Ashtu si Izraeli, Shtetet e Bashkuara e konsiderojnë Hamasin si organizatë terroriste. Por Amerika po tregohet e rezervuar në komente. Departamenti i Shtetit tha se do ta studiojë përbërjen e qeverisë së re dhe pastaj do të vendosë nëse është një qeveri me të cilën Amerika mund të punojë.
