Berisha: Rama i çoi Nishanit zarfin me një mafioz, Kryeministri: Opozitë “tap-topi”

Tirane- Pas një seance maratonë Kuvendi, dhe debate të ashpra mes opozitës dhe mazhorancës  është hedhur poshtë propozimi i opozitës për Komision hetimor për trafikun e drogës. Gjithashtu nuk është është miratuar dekreti i Presidentit për ILDKP.Seanca e sotme ka vazhduar sërish me akuza e kundërakuza dhe  debate të ashpra mes mazhorancës dhe opozitës pas kërkesës që Partia Demokratike bëri për një komision të ri hetimor për trafikun e drogës.Ish kryeministri Berisha foli për një takim mes Nishanit dhe një personi të cilin sipas tij, një i afërm i Ramës, i cili ishte dhe zëdhënësi i mafies shqiptaro-italiane.Takimi ka të bëjë me zarf të cilin sipas Berisha ia ka dhënë presidentit për të mbyllur disa çështje.Gjatë fjalës së tij kryeministri Rama e ka quajtur opozitën "tap-topi" sepse nuk i ka dalë ende pija e pushtetit të humbur. Sipas Ramës në prillin e këtij viti janë arrestuar 30% më shumë trafikantë se prillin e vitit të kaluar dhe kjo gjë nuk ka pse ju shqetëson.Ndërkohë që pati debate të ashpra mes kryeministrit Rama dhe deputetit të PD-së, Flamur Noka.

Cfare u votua 

Rrëzohet me 74 vota kundër dhe 36 pro dekreti i propozuar nga Presidenti Bujar Nishani për ILDKP-në.

Dekreti i Presidentit për emërimin e Alaudin Malaj si anëtar të Gjykatës së Lartë. Kuvendi e rrëzoi me 76 kundër dhe 36 pro.

Eshtë rrëzuar kërkesa e PD-së për ngritjen e një komisioni hetimor për trafikimin e lëndëve narkotike. Pas rreth 12 orë debatesh të shumta lidhur me kërkesën e PD-së  “Për ngritjen e komisionit hetimor të Kuvendit për verifikimin e fakteve dhe rrethanave të bëra publike për fenomenin e rritjes së trafikut të drogës, përfshirë përdorimin e hapësirës ajrore nga narkotrafikantët”, votoi kundër ngritjes së këtij komisioni me 76 vota kundër dhe 36 pro.

Kuvnedi ka votuar me 78 vota pro dhe 16-të kundër projektvendimin për për vendimmarrjen e Kuvendit lidhur me institucionin e Komisionit të Shërbimit Civil dhe zgjedhjen e Komisionerit për Mbikëqyrjen e Shërbimit Civil, ndërsa më tej vendosi ndërprerjen e mandatit për dy prej komisionerëve të shërbimit civil.

Në seancën e zhvilluar sot, deputetët me 77 vota pro dhe 27 kundër votuan për ndërprerjen e mandatit për Alfred Priftin si anëtar i Komisionit të Shërbimit Civil, ashtu si dhe Fatmir Tafaj si anëtar i Komisionit të Shërbimit Civil.

Kuvendi i Shqipërisë miratoi me 95 vota pro dhe 1 kundër ligjin për Sigurimin e Depozitave, ndërsa votoi me 97 pro dhe 1 kundër ligjin për Sigurimin dhe Risigurimin. Po ashtu u votua edhe projektrezoluta e Entit Rregullator të EnergjisePjese nga debatet sot në Parlament Ja një pjesë nga debati Rama-Noka:Flamur Noka: Erdhi i zverdhur duke u dridhur, duke u kruajtur, kishte humbur gjithe ditën, dhe tha cfare tha? The që ne kemi akuzuar kot për vrasje apo tritole. Po zotri, vrasje ka pasur, pro jo vrasje mafioze. Ka pasur trafik droge, por me mushkë, tani ke vetëm trafik me anije dhe avionë. Po, tritoli erdhi kur erdhe ti. U kapën 89 kg drogë në Ekuador që kishte destinacion Shqipërinë. Deklaratë zyrtare e Ministrisë së Brendshme e Ekuadorit. I iku mbushja e hundëve ju dogj gjithë ajo sasi ndaj erdhi sot i dridhur se nuk kishte marrë dozën.Edi Rama: Nuk është vlerësim për parafolsin. Parafolsit ja kam shpjeguar që është fatkeq. Sepse ka flamur pa shkop, ka shkop pa flamur, por as flamur as shkop që quhet flamur dhe flamur nuk është vetëm ti je.Në orën 20:00 Rama-Opozitës: Jeni “tap-topi”, nuk ju ka dalë pija e pushtetit të humburKryeministri Rama në fjalën e mbajtur para Kuvendit e quan opozitën “tap-topi”. Ai u shpreh se kjo është një pakicë e llastuar që nuk e dëgjon askush.“ Ju jeni “tap” në kuptimin e të dehurit, se nuk ju ka dalë pija e pushtetit të humbur, por edhe në kuptimin e tapës së topit. Ju jeni kaq tap topi saqë sa më shumë flisni aq më keq, mua persnalisht por edhe të tjerë na bëni të ndihemi me vetën që e qeverisët ketë vend pa qenë shumicë. Jeni një pakicë aq e llastuar se nuk arrini ta mendoni dhe jo me ta kuptoni sa shumë dëm i bëni këtij kuvendi, kesaj politke, por edhe vetes tuaj, sepses sa më shumë bëni sikur s’keni qene në pushtet aq me shumë kohë do t’ju duhet t’ju marrë njeri seriozisht. Në fakt ju s’merrni seriozisht njëri-tjetrin, jo më t’ju marrin ju të tjerët. Jeni kaq tap sa ju duket sikur jeni vënë në një lëvizje shpëtimtare”"Si është e mundur që në prill të vitit të kaluar është kapur 1.1 ton drogë dhe në prilll të këtij viti është kapur 5 ton. Ju thoni na mbyti droga e kapur, pse ju shqetëson droga e kapur? Në prill të vitit të kaluar kapët 159 g heroinë, në prill 2014 u kapen 2.6 kilogram. Ju thoni na mbyti droga. Ca keni ju me drogën ? Si e keni hallin që po kapet kaq shumë drogë. Çfar halli keni ju qe vetëm në prill të këtij viti janë arrestuar 30 % më shumë trafikante. Ju thoni ndaloni qeverine? Për cfarë ta ndalin qeverine?"Në orën 19:09 Berisha: Ministri Tahiri mban një superskaf në VlorëIsh kryeministri Berisha akuzon Ministrin e Brendshëm Sajmir Tahiri se mban një superskaf në Vlorë. Berisha lexon një mesazh nga një qytetar i Vlorës i cili i shkruan se skafi që u kap me 1500 kg hashash në Itali gjysme ishte e ministrit tahiri dhe gjysma e kushëririt të tij.“Këta që patën turpin të betonojnë pistat, trafikantëtve u lanë livadhet. U lanë livadhet e aerodromeve. Këta vazhdojnë trafiqet dhe flasin për ushtri. Trafikantë! Dhe kërkojnë t’i hedhin hi syve popullit se u vunë blloqe betoni. Po livadhi anash, në të cilat u ulon jo një por dhjetra avionë të atyre llojeve. Çpo ndodh këtu? Ky vend nuk është më ai që ishte. Sepse e tillë është forca e drogës. Ajo ka fuqi të jashtëzakonshme në para, vendime. Vendimet merren nga droga këtu, në qeveri, merren kudo. Ku është liria e qytetarëve. Une nuk mohoj se nuk ka pasur drogë, por statistikat e fqinjëve tregon se ishte 8 herë më e madhe. Vetëm në prill është trafikuar në Itali sa 50% e muajve më parë."Berisha: Rama dërgoi të zyra e Nishanit mafiozin me një zarfIsh-Kryeministri Berisha tregon një histori të një mafiozi, që sipas tij është person i afërt me Ramën, i cili i ka shkuar në zyrë Presidentit Nishani me një zarf."Një ditë ky zëdhënësi i mafies shqiptaro-italiane shkon në zyrën e presidentit, i kërkon takim Presidentit, dhe presidenti me njërëzi e pret. Ulet mafiozi në zyrën e tij dhe i shtyn një zarf . I shtyn zarfin atje dhe i thotë: Zoti President kam ardhur nga kryeministri dhe kam ardhur të të them që kryeministri është shumë i interesuar të bashkëpunojë dhe të zgjidhim çdo problem. Në këtë zarf është një çeshtje që ne e kemi zgjidhur. Ça çështje i thotë presidenti? Po ja një çështje prone, që është zgjidhur, që një njeriu yt ka bërë një mashtrim me pronën. Presidenti i thotë: E di çke ti ? A e merr këtë e çoje drejt e në Prokurori, se unë kam qenë dhe Ministër, jam njeriu i ligjit dhe që të thyej unë ligjin, atë nuk e bëj kurrë. Dhe i thotë merre dhe çoje në Prokurori. I ngrihet, supermafiozi dhe i thotë unë s'po e marr se e kam kopjen tjetër. Presidenti ka pasur dinjitetin t'ja çojë dosjen Prokurorit të Përgjithshëm. E thashë këtë shëmbull për të denoncuar pafytyrësine e Edi Ramës dhe mafiozët me të cilët jeton".Në orën 18:50 Rama në FB: Në prill 2014 u kapën 30% me shumë trafikantë drogë se në prill 2013Kryeministri i Shqipërisë i cili nuk ndodhet në sallën e kuvendit ku po diskutohet në lidhje me komisionin hetimor për trafikun e drogës ka reaguar me një stauts në rrjetin social Facebook. Ai shkruan se në prill 2014 janë kapur 30% më shumë trafikantë droge se në prill të 2013.Në orën 17:40 Flamur Noka: Në Shqipëri ka vetëm klimë biznesi për drogën"Riformato erdhi bëri biznes drogë këtu, sepse e vetmja klimë biznesi që ka krijuar kjo mazhorancë është për biznesin e drogës. Erdhi ai dhe ju përgjigjë thirrjes së kryeministrit për biznesin e drogës"."Kemi parë një rritje galopante të trafikut të drogës. Në këto 8 muaj janë hapur kanalet e vjetra të trafikut të drogës. Po përdoren mjete te tjera, siç janë skafet, anijet, apo avionët. Këtyre nuk ja ndjen për drogën, kanë frikë të përballen me të vërtetën. Prandaj kemi kërkuar që kjo cështje të bëhet transparente. Kërkuam që qeveria të ndërhyjë për të bllokuar shpërthimin e kufijve. Por pame se kjo kupolë aplikoi atë që kishte aplikuar në fillim, kodin e heshtjes."Ne orën 17: 20 Kodheli: Shqipëria ka qenë jashtë vëzhgimit ajror të NATOs-s.“Ka ca gjëra që janë penguar gjatë qeverisjes në 8 vjet. Një ndër këto është projekti i Sistemit të Integruar të Mbrojtjes Ajrore NATO, që bën të mundur që Shqipëria të bëhët pjesë e këtij sistemi. Që nga shtatori i 2011 ka një korrenspondencë shqetësuese mes përfaqësis tonë në Bruksel dhe ministrisë që unë drejtoj. Më shumë se një korrenspodencë është një monolog shkresash, ndërsa qeveria juaj nuk e shihte të arsyeshme të kthente përgjigje. Po duhet të tregoni pse-të e heshtjes, për të vënë Shqipërinë nën vëshgimin ajror të NATO-s.”, u shpreh Kodheli.Gjithashtu Kodheli kërkoi një shpjegim nga PD pse radarët e vëzhgimit të hapësirës detarë kanë qenë të fikur prej dy vitesh dhe se janë vënë në punë vetëm në janar të vitit 2014. Ajo hodhi akuza mbi qeverinë e djeshme të PD se FA i gjeti në limitin e korrupsionit. Faturat e prapambetura të Forcave të Armatosura arrinin në 16 milionë euro.“A mund të thoni pse radarët e vëzhgimit të hapësirës detare i kishit fikur apo nuk punonin prej dy vitesh? Këta monitoronin kanalin e Otrantos. Radarët janë vënë në punë në janar të vitit 2014, pas 2 vjet e gjysëm që nuk punonin. Do të vazhdoj ta bëj detyrën timë si ministre. Do të çoj në prokurori shkeljet që keni bërë. I keni çuar forcat e armatosura në limitet e korrupsionit. Oficerë madhorë merrnin rryshfet nga ushtarët. Admiralë që vinin grada gabim, gjeneralë që vidhin, male faturash të prapambetura, dhe mes këtyre faturave, janë më shumë se 16 mln euro dhe nuk ka asnjë faturë që të flasë për modernizimin e FA. Atë që dua të them me bindje është së FA kanë zero të bëjnë me trafikun e drogës.Në orën 17:05 Albana Vokshi: Refuzimi i Komisionit Hetimor, realitet i trishtë parlamentar“Refuzimi i Komisionit Hetimor për trafikun e drogës na kthen në një realitet të trishtë parlamentar, që ilozon opozitën në të drejtën e saj kushtetuese, në një arrogancë ligjvënese të frymëzuar nga regjimet totalitare, në një rgjim të frikshëm të pushtetit absolut që e largon Shqipërinë larg vendeve me demokraci parlamentare”Në orën 16:15 Astrit Patozi: Komisioni për drogën me grevën e të shkarkuarve, e njëjta gjë.“Dje u bënë përpjekje për të bllokuar grevën, rezultati greva vazhdon, por kryeministri është 2 herë i akuzuar, njëherë shkeli ligjin sepse i shkarkoi nga puna dhe e dyta i dhunoi të drejtën elementare, të drejtën për të protestuar dhe bërë greve. E njejta gje po ndodh edhe me komisionin e drogës. Hetimi parpalemtar është instrument i opozitës për të kapërcyer barrierat që mund t’i ngrejë asaj, ekzekutivi. Duke rrëzuar kërkesën tonë qeveria tregon se ka frikë nga rrënim i të vertetave duke pranuar indirekt se është implikuar. Edhe pse komisioni nuk do ngrihet, hetimi nuk do të ndalet. Ne kemi gjetur fakte dhe prova edhe pa pasur fakte nga komisioni hetimor”, tha Patozi.Në parashtrimin e kërkesës, deputeti demokrat Eduard Halimi tha se është në të drejtën e opozitës që t’i tregojë qytetarëve të vërtetën. Sipas tij fenomeni i narkotrafikut nuk kërcënon vetëm opozitën, por kërcënon dhe vendin dhe të ardhmen e fëmijeve tanë.Qëllimi i kërkesës së PD-së, tha Halimi, synon t’i bëjë të qartë publikut dhe qytetarëve të vërtetën e hapjes së këtij fenomeni, ta hetojë atë, si dhe rolin e administratës qeveritare, masat e marra ose jo, zbatimin e ligjit ose jo, etj.