Nderohet sopranoja Ermonela Jaho, Rama: Artistët heqin "njollat" e Ambasadorëve FOTO

Nga OraNews Përditësimi i fundit 5 Prill 2014, 12:12

Kryeministri, Edi Rama, nderoi sot sopranon e njohur Ermonela Jaho me medaljen ekskluzive, më të lartën që Kryeministri u jep kryetarëve dhe Kryeministrave të shteteve të tjera. Në ceremoninë e veçantë të organizuar në sallën e hartave në Kryeministri, Rama e cilësoi sopranon shqiptare si divën e skenave botërore dhe një Ambasadore të shkëlqyer të vendit tonë. ( Foto nga ceremonia e zhvilluar në sallën e hartave në Kryeministri)“Diva e skenave të botës së sotme opertistike është një shqiptare, një zë që i bën të përpëliten endat më të fuqishme të kritikës. Një trup që i bën të vibrojnë muret e skenës, kur lëviz dhe këndon në ekranin e gjerë të skenës. Një shqitpare që kthehet në skenën e vrazhdë të Shqipërisë. Gjatë vizitës sime në Gjermani mu desh t’i përgjigjesha Merkelit kur më pyeti se si ndërroi rruga nga arti në politikë. I tregova si arti për mua ishte shprehja e një përpjekjeje të brendshme, e cila nisi të mishërohej si aksion i përditshëm politik. Por nëse Ermonela do më bënte të njëjtën pyetje do kisha më pak kurajo dhe besim te përgjigjia, sepse ka artisë dhe artiste dhe Ermonela mes shumë artistësh është artiste me A të madhe”, tha Rama.E emocionuar dhe nën lotë gëzimi, Ermonela Jaho, tha se shqiptarët e kanë vështirë të bashkëpunojnë bashkë, por në momentin që gjejnë çelësin e zemrës bëjnë mrekullira.“Kjo ishte një surprizë që nuk gjej dot fjalët për ta përshkruar. Ndjehem shumë e nderuar. Nuk ka emocion më të madh se sa kur rrethohesh me dashuri dhe vlerësim. Vlerësimi është çelësi i suksesit në çdo ndërmarrje.E kemi shumë të vështirë të bashkëpunojmë me njëri-tjetrin, por në momentin që gjejmë çelësin e zemrës, ne shqiptarët bëjmë mrekullira. Me ‘Maddem Butterfly’ njerëzit erdhën të shihnin diçka të vërtetë që vinte nga ky bashkim. Faleminderit, pa ju nuk do të mund ta kisha bërë këtë gjë”, u shpreh ajo.Edhe Ministrja Kumbaro falenderoi kontributin e sopranos në artin shqiptar, ndërsa shprehu angazhimin e saj për ta inkurajuar në rrugën e artit."Je shumë e re, por ja që sfidat e tua kanë qenë kaq të pasura saqë unë nuk mund t'ja lejoj vetes tundimin për të ndarë emailet mes nesh. Dua të ndaj me të gjithë atë që ti më shkruaje më parë. 'Them se duhet të mblidhemi, thotë Ermonela ata njerëz me syrin pozitiv në Shqipëri, dhe në art, dhe të ndriçojmë një dritë në fund të tunelit për shoqërinë dhe rininë shqiptare'. Kam një perulje të thellë për artistët që bëjnë art në këtë vend edhe pse ky vend nuk u jep atyre atë që ata meritojnë. Për një kulturë të re të artit larg banalitetit, asnjë drejtues i vetëm apo artist nuk mund ta mbajë gjallë suksesin nëse nuk ndryshon kjo frymë pozitiviste. Skenën shqiptare ti e ke fituar kur e ke fituar në skena të mëdha, ku vetëm talenti dhe puna të japin armën më ë fortë në skenë. Përpara një publiku ndryshe ti u dhe guximin e patreguar, dhe publiku tregoi se di të dashurojë artin se ka nevojë për vlera të vërteta artistike. Dhe ky qytet tregoi se të do fort" tha Kumbaro.Ceremonia vijoi më pas me një kokteil mes të pranishmëve, mes të cilëve intelektualë, artistë, miq dhe të afërm të sopranos.