Rruga “Justin Godart” në Vlorë, ngjarjet historike “humbasin në pazarin e tregëtarëve”
Nga OraNews Përditësimi i fundit 20 Shkurt 2014, 20:17
Rruga muze "Justin Godart" në qytetin e Vlorës duket se ka humbur identitetin e saj të mëparshëm, duke u kthyer në një zonë për tregtimin e veshjeve dhe produkteve ushqimore. Banorët bëjnë apel për largimin e tregtarëve ambulantë dhe rikthimin e saj në gjendjen e mëparshme.Rruga është mbipopulluar nga tregtarët ambulantë, apo tezgat me produkte të ndryshme. Asgjë nuk është më si më parë në këtë zone në të cilën parakaloi flamuri i ngritur në Monumentin e Pavarësisë.Për këtë qytetarët thonë se historia për të cilën vlonjatët janë krenarë, ka nisur të venitet.Rruga e dikurshme "Justin Godart" ne lagjen Muradije sot nuk ka asgjë për t'u vizituar veç kalldrëmit të rrugës që ende të kujton diçka nga e shkuara. Vizitorët e interesuar për Vlorën historike të pavarësisë nuk dihet ende se çfarë u ngelet për të parë nga kjo rrugicë, dikur e lavdishme, ndërsa sot e harruar.
