Gjirokastër, kapen 196.4 kg drogë, digjet makina e oficerit të antidrogës
Nga OraNews Përditësimi i fundit 1 Dhjetor 2012, 09:29
Policia e Gjirokastrës ka sekuestruar 196.4 kilogramë mariuanë ndërsa ka shpallur në kërkim edhe transportuesin e drogës.Burime nga policia bëjnë me dije se gjatë një operacioni të ndërmarrë që prej mbrëmjes së djeshme, në aksin rrugor Kordhocë- Gjirokastër është sekuestruar sasia e lëndës narkotike por nuk është arritur të arrestohet transportuesi i drogës.Sipas policisë, drejtuesi i automjetit porsa ka parë që e ndiqte policia ka shtuar shpejtësinë por në afërsi të vendit të qaujtur NSHN, automjeti është fikur dhe drejtuesi i automjetit ka braktisur automjetin dhe është larguar me shpjetësi.Menjëherë në ndjekje të drejtuesit të automjetit janë vënë Specialistët e Sektorit Kundër Narkotikëve dhe Patrulla e Përgjithshme e Komisariatit të Policisë Gjirokastër por kapja e tij ka qenë e pa mundur pasi shiu i rrëmbyeshëm, tereni mjaft i vështirë dhe erresira ka bërë që autori të largohej.Në vendngjarje ka mbritur grupi hetimor ku nga kqyrja që iu bë automjetit tip Reno pa targa u gjetën 32 pako të mëdha me peshë 5.2 kilogramë secila dhe 25 pako me peshë 1.2 kilogramë secila. Pakot ishin të mbështjella me letër natriban , ku çdo pako kishte nga një + të shkruar me bojë të verdhë, gjithësej 196.4 kg Mariuanë.Nga ana e Specialistëve të Sektorit Kundër Narkotikëve në Drejtorinë e Policisë së Qarkut Gjirokastër mbi bazën e informacioneve të marra më parë si dhe duke u bazuar në prova të gjetura në vendngjarje si dhe të dhënat e automjetit kanë bërë të mundur identifikimin e drejtuesit të automjetit i cili është shtetas nga fshati Lazarat me precedent penal në fushën e kultivimit dhe trafikimit të lëndëve narkotike ku për arsye hetimi nuk bëjmë me dije gjeneralitetet e tij.Po nga informacionet e marra nga ana e Specialistëve të Sektorit Kundër Narkotikëve në Drejtorinë e Policisë së Qarkut Gjirokastër rezultoi se lënda narkotike kishte si destinacion përfundimtar Italinë.Digjet makina e specialistit të anti-drogësDy orë më vonë në rreth orës 03.30 , në afërsi të tregut në lagjen "18 Shtatori" Gjirokastër , ka marrë flakë në pjesën e pasme automjeti tip BMV me targa të rregullta në pronësi të një prej Specialistëve të Sektorit Kundër Narkotikëve në Drejtorinë e Policisë së Qarkut Gjirokastër. Me ndërhyrjen e menjëhershme të repartit zjarrfikës u bë e mundur shuarja e flakëve por automjeti ka pësuar dëmtime. Në vendngjarje grupi hetimor ka kryer veprimet paraprake dhe po vijon puna, pasi mendohet se zjarri është i qëllimshëm dhe për shkak të detyrës, po nuk përjashtohet mundësia edhe e ndonjë shkëndije elektrike.
