Boksi, një nga pasionet e Rita Orës
Nga OraNews Përditësimi i fundit 8 Gusht 2013, 13:26
Këngëtarja me origjinë shqipëtare Rita Ora ka bërë gjithnjë të ditur se format e saj trupore i ka arritur falë vullnetit për të ushtruar sporte të ndryshme. Rita dikur ka praktikuar volejboll dhe tenis, por për shkak të angazhimeve të shumta me koncerte dhe intervista e është dashur t`i lërë pas dore.
Ajo përpiqet që gjithë kohën e saj të lirë përveç familjes t`ia kushtojë dhe palestrës e cila është një ndihmë e shumë madhe për të. Në një intervistë të dhënë kohët e fundit 22 vjecarja shprehu dëshirën për të praktikuar një nga pasionet e saj, siç ishte boksi. Dhe menjëherë pas kësaj ajo nuk humbi rastin të tregonte aftësitë në ring kunddrejt David Haye ose i njohur ndryshe me pseudonimin e tij Hayemaker.
Rita jo vetëm që tregohej e vëmendshme dhe e kujdesshme , por arriti të surprizonte Hayemakerin. Pasi perfunduan dhe raundet e ndeshjes së tyre ai postoi një status në rrjetin social twitter ku përgëzoi Ritën për aftësitë dhe shkathtësinë që tregoi por edhe shpjegoi se të punoje me persona të afte si këngëtarja ishte një kënaqësi e veçantë.
