SHERR NË KOMISION/ “Ngre edhe gjëra të tjera” - Boçi "i tregon vendin" Maznikut: Mos e përsërit më se ...
Nga OraNews Përditësimi i fundit 28 Maj 2026, 13:30
Një incident i rëndë dhe plot tensione është regjistruar së fundmi në Komisionin e Posaçëm për Reformën Territoriale, ku debati për marrjen e fjalës dhe kontrollin e mikrofonit ka degjeneruar në përplasje të ashpra verbale dhe kërcënime të hapura.
Protagonisti kryesor i kësaj ngjarjeje, bashkëkryetari demokrat Luçiano Boçi ka refuzuar me ngulm të lëshojë radhën e fjalës kolegut të tij socialist Arbër Mazniku, duke bllokuar procesin normal dhe duke u përplasur ashpër me palën tjetër.
Pavarësisht thirrjeve të përsëritura nga të pranishmit për të ulur tonet dhe për të mos e tepruar, situata ka dalë plotësisht jashtë kontrollit.
Duke u përgjigjur me një gjuhë tejet agresive, Boçi deklaroi me tone kërcënuese se përveç zërit, është i gatshëm të ngrejë "edhe gjëra të tjera".
Ky moment ka shënuar edhe pikën kulminante të tensionit, duke lënë të kuptohet për një përshkallëzim të mundshëm fizik përtej debatit banal
Konflikti ka vazhduar më tej me akuza të ndërsjella për shkelje të rregullave dhe procedurës.
Ndërsa Boçi ka insistuar t'ua kalojë fjalën vetëm kolegëve të tij të opozitës duke shpërfillur rregulloren.
Kjo ka bërë që pala tjetër të ndërhyjë duke theksuar se është bërë shkelje e rëndë dhe duke paralajmëruar se asnjë person tjetër nuk do të lejohet të flasë pas këtij akti. Ngjarja reflekton një mungesë totale të etikës profesionale, duke ofruar një shfaqje tejet të shëmtuar dhe shqetësuese për opinionin publik.
NDIQNI DEBATET E PLOTA
