S’ia shembi tërmeti, por tritoli i pallatit pranë, 75-vjeçarja në qiell të hapur! Si e mashtroi ...
Nga OraNews Përditësimi i fundit 11 Maj 2026, 23:21
Në Durrës, 75-vjeçarja Luljeta Cani prej më shumë se pesë vitesh jeton jashtë banesës së saj, pasi shtëpia u dëmtua rëndë nga shembja me tritol e një pallati pranë saj, pas tërmetit të vitit 2019.
Sipas Luljetës dhe banorëve të zonës, shpërthimi shkaktoi çarje të mureve dhe dëmtime të mëdha në çati, ndërsa shpenzimet për riparimet i kanë përballuar vetë, pa marrë asnjë ndihmë financiare.
Edhe pse pallati është rindërtuar, banesa e zonjës Cani vijon të mbetet në gjendje të rëndë.
Bashkia e Durrësit ka deklaruar se do t’i japë një fond financiar, por pa përcaktuar as afatet dhe as shumën.
Në vitin 2020, kryeministri Edi Rama i kishte premtuar zonjës se shteti do të paguante qiranë dhe do t’i rikonstruktonte shtëpinë./ STOP
