Hoxha takim me zyrtarët në Luksemburg: Diskutime për hapat e ardhshëm të negociatave dhe ruajtjen e ritmit të zgjerimit të BE-së
Nga OraNews Përditësimi i fundit 20 Prill 2026, 19:09
Ministri për Evropën dhe Punët e Jashtme, Ferit Hoxha, zhvilloi një vizitë në Luksemburgu, ku u takua me zëvendëskryeministrin dhe ministrin e Jashtëm, Xavier Bettel.
Gjatë takimit, dy zyrtarët folën për forcimin e mëtejshëm të bashkëpunimit mes dy vendeve, sidomos në fusha si inovacioni, teknologjia dhe turizmi. Marrëdhëniet mes Shqipërisë dhe Luksemburgut u vlerësuan si shumë të mira dhe me hapësirë për zhvillim të mëtejshëm.
Një pjesë e rëndësishme e bisedës ishte edhe procesi i integrimit të Shqipërisë në Bashkimin Evropian. Hoxha shprehu vlerësimin për mbështetjen që Luksemburgu i ka dhënë vazhdimisht këtij procesi, ndërsa u diskutuan edhe hapat e ardhshëm të negociatave.
Në fokus ishte edhe rëndësia e vazhdimit të procesit të zgjerimit të BE-së, duke u mbështetur në kritere të qarta dhe në arritjet konkrete të vendeve kandidate.
Palët ranë dakord të vijojnë bashkëpunimin dhe kontaktet, ndërsa në të ardhmen pritet edhe një vizitë e ministrit Bettel në Shqipëri.
POSTIMI I MINISTRIT TË JASHTËM, FERIT HOXHA:
???????????????? Ravi d’avoir été accueilli pour un échange très chaleureux et constructif par le Vice-Premier ministre et ministre des Affaires étrangères du Luxembourg, Xavier Bettel @Xavier_Bettel.
— Ferit Hoxha???????? (@HoxhaFer) April 20, 2026
Nous avons réaffirmé l’excellent état des relations d’amitié et de coopération entre… pic.twitter.com/AsMx0GQJDe
