Qeveria pakistaneze dënon sulmin nga aeroplanët amerikanë
Nga OraNews Përditësimi i fundit 29 Korrik 2013, 09:16
Qeveria pakistaneze ka dënuar sulmin që dyshohet se është kryer nga aeroplanë amerikanë pa pilot si pasojë e të cilit u vranë gjashtë persona në një zonë klanore të këtij shteti.Zyrtarët e Pakistanit kanë njoftuar se dy raketa kanë goditur një grup njerëzish, që besohet se ishin militant të cilët ishin duke kaluar kufirin nga Pakistani në Afganistan, në zonën e Waziristanit verior.Një zyrtar i ministrisë së jashtme të Pakistanit ka thënë përmes një deklarate të hënën se “sulmet e njëanshme cënojnë sovranitetin dhe integritetin territorial të Pakistanit”.Deklarata gjithashtu thekson se “sulmet me aeroplanë pa pilot janë kundër-produktive, përfshijnë humbjen e jetëve të civilëve dhe shkelin të drejtat e njeriut”.Waziristani verior është një zonë me plot militantë afganë dhe pakistanezë që kanë lidhje me Al Kaedën.Ky është sulmi i katërt që dyshohet se është kryer nga aeroplanët pa pilotë amerikanë në brendësi të Pakistanit që kur Nawaz Sharif është betuar si kryeministër i këtij shteti në qershor.Sharif ka kërkuar që sulme të tilla të ndërpriten menjëherë.
