Greqi, miratohet ligji që shkarkon 25000 nëpunës publik
Nga OraNews Përditësimi i fundit 18 Korrik 2013, 08:45
Mes pasigurisë dhe protestave jashtë Parlamentit, qeveria e koalicionit dy partiak në Greqi ka miratuar projekt-ligjin që do të lërë mijëra persona të papunë në shtetin Helen.Votimi ishte testi i parë i madh për koalicionin dypartiak të kryeministrit Antonis Samaras, që prej humbjes së një aleati pas mbylljes së papritur te transmetuesit shtetëror muajin e kaluar,.Pas mesnatës, 153 ligjvënës nga 293 të pranishëm votuan në favor të projekt-ligjit, i cili ishte kusht për të zhbllokuar gati 7 miliard euro ndihmë nga Bashkimi Evropian dhe Fondi Ndërkombëtar Monetar. Sipas draftit më shumë se 4000 punonjës shtetërorë, përfshi mësues dhe punonjës së qeverive lokale, do të përballen me largimin nga puna këtë vit.Më tej, 25 mijë do të futen në një grup lëvizshmërie deri në fund të këtij viti. Punonjësit do të kenë një periudhë 8-mujore të pagueshme me 75% të pagave të tyre, gjatë së cilës do të kërkojnë ripozicionimin, e më pas, nëse nuk arrijnë të gjejnë një tjetër departament ata do të mbeten të papunë.Shumë grekë besojnë se, sapo të përfshihen në këtë grup, ata do të jenë në mënyrë të paevitueshme të papunë. Mendohet se afro 11 mijë vetë do të humbasin punën deri në fund të vitit 2014, për të përmbushur kështu kërkesat e Trojkës, së përbërë nga Bashkimi Europian, Banka Qendrore Europiane dhe Fondi Monetar Ndërkombëtar.Reformat u kaluan disa orë para pasi Ministri gjerman i financave Volfgang Shable - i fajësuar nga grekët si ai që solli problemet e tyre me masat e kursimit mbërrinnë Athinë për vizitën e tij të parë në Greqi që nga koha kur filloi kriza e borxhit në vitin 2009.
